நிஜாமுதீன் பகுதியில் கடை உரிமைாளா் மீது கும்பல் துப்பாக்கிச்சூடு: இருவா் கைது

தென்கிழக்கு தில்லியின் நிஜாமுதீன் பகுதியில் ஒரு கடை உரிமையாளா் மீது ஒரு கும்பல் துப்பாக்கிச் சூடு நடத்தியதாக போலீஸாா் தெரிவித்தனா். மேலும், இந்த வழக்கில் இருவா் கைது செய்யப்பட்டுள்ளதாகவும் தெரிவித்தனா்.

இது குறித்து தென்கிழக்கு தில்லி காவல் சரக துணை ஆணையா் ஹேமந்த் திவாரி கூறியதாவது: வெள்ளிக்கிழமை துப்பாக்கிச் சூடு நடத்தப்பட்ட பின்னா், கடை உரிமையாளா் உடனடியாக எய்ம்ஸ் காய சிகிச்சை மையத்திற்கு கொண்டு செல்லப்பட்டாா். அங்கு அவா் சிகிச்சை பெற்று வருகிறாா்.

ஃபா்கான் (32) மற்றும் அவரது இரண்டு சகோதரா்கள் வசீம் (33) மற்றும் அப்துல் காலித் (30) ஆகியோரால் நடத்தப்படும் கிப்லா வாசனை திரவிய கடைக்கு வெளியே முன்னாள் வாடகைதாரா் துப்பாக்கிச் சூடு நடத்தியதாகக் கூறப்படுகிறது.

பாதிக்கப்பட்டவரும் அவரது சகோதரா்களும் சமீபத்தில் எஹ்சானை அவா் வாடகைக்கு எடுத்திருந்த கடையை காலி செய்யச் சொன்னதாகக் கூறப்படுகிறது. அவா் சுமாா் 15 நாள்களுக்கு முன்பு சம்மதித்தாா். மேலும், துப்பாக்கிச் சூடு அந்த சா்ச்சையுடன் தொடா்புடையதாக சந்தேகிக்கப்படுகிறது.

இது குறித்து நிஜாமுதீன் காவல் நிலையத்தில் வெள்ளிக்கிழமை இரவு 10.08 மணிக்கு துப்பாக்கிச் சூடு தொடா்பான பிசிஆா் அழைப்பு வந்தது. முதற்கட்ட விசாரணையில், இரவு 10 மணியளவில், அவா்களது முன்னாள் வாடகைதாரரான எஹ்சான், சில கூட்டாளிகளுடன் கடைக்கு வந்து வசீமுடன் தகராறில் ஈடுபட்டுள்ளாா்.

இந்த மோதலின் போது, குற்றம் சாட்டப்பட்டவா்களில் ஒருவா் துப்பாக்கியை எடுத்து மூன்று சுற்றுகள் சுட்டாா். இந்தச் சம்பவத்தின் போது ஃபா்கானின் காலில் காயம் ஏற்பட்டது.

இது தொடா்பாக ஆகஸ்ட் 2- ஆம் தேதி பிஎன்எஸ் பிரிவுகள் (109) (1) (கொலை முயற்சி மற்றும் 35 கூட்டு பொறுப்பு) மற்றும் ஆயுதச் சட்டத்தின் தொடா்புடைய பிரிவுகளின் கீழ் வழக்குப் பதிவு செய்யப்பட்டு விசாரணை மேற்கொள்ளப்பட்டுள்ளது

சிசிடிவி காட்சிகள் ஆய்வு செய்யப்பட்டு இரண்டு குற்றவாளிகள் கைது செய்யப்பட்டுள்ளனா். இந்த இருவரில் ஒருவா் பாதிக்கப்பட்டவா் மீது துப்பாக்கிச் சூடு நடத்தியுள்ளாா்.

இந்த இருவரில் யாருக்கும் இதற்கு முன் எந்த தொடா்பும் இல்லை. இன்னும் சில குற்றவாளிகள் தலைமறைவாக உள்ளனா். அவா்களை கைது செய்வதற்கான முயற்சிகள் நடந்து வருகின்றன.

குற்றம் நடந்த இடத்தை ஆய்வு செய்ததில் மூன்று காலி தோட்டாக்கள் மற்றும் இரண்டு நேரடி தோட்டாக்கள் பறிமுதல் செய்யப்பட்டதாக காவல் துணை ஆணையா் கூறினாா்.