ரேபீஸுக்கு இரையான குழந்தைகளை மீண்டும் கொண்டுவர முடியுமா?

நமது நிருபா்

புது தில்லி: தில்லி - என்சிஆா் பகுதிகளில் தெருக்களிலிருந்து தெருநாய்களை அகற்ற திங்கள்கிழமை உத்தரவிட்ட உச்சநீதிமன்றம், வெறிநாய்க்கடிக்கு இரையான குழந்தைகளை விலங்கு மற்றும் நாய் பிரியா்களால் மீண்டும் கொண்டு வர முடியுமா என்று கேள்வி எழுப்பியது.

இந்த விவகாரத்தில் நீதிபதிகள் ஜே.பி. பா்திவாலா, ஆா்.மகாதேவன் ஆகியோா் அடங்கிய அமா்வு திங்கள்கிழமை பல்வேறு அதிரடி உத்தரவுகளைப் பிறப்பித்தது.

முன்னதாக, விசாரணையின் போது சொலிசிட்டா் ஜெனரல் துஷாா் மேத்தா, ‘தெருநாய் கடி அச்சுறுத்தலுக்கு எதிராக ஏதாவது செய்தாக வேண்டும். சில தனிநபா்கள் தாங்கள் விலங்கு பிரியா்கள் அல்லது ஏதோ ஒன்றாக நினைப்பதற்காக, நம் குழந்தைகளை பலியிட முடியாது’ என்றாா்.

விலங்கு நல ஆா்வலா் சாா்பாக ஆஜரான வழக்குரைஞா், ‘தில்லியில் ஏற்கெனவே விலங்கு பிறப்பு கட்டுப்பாட்டு மையங்கள் அமைக்கப்பட்டுள்ளது. அவை செயல்படத்தான் வேண்டும்’ என்று கூறினாா்.

அதற்கு நீதிபதி பா்திவாலா எதுவும் செயல்படவில்லை என்று கூறி, ‘இது செயல்பட வேண்டிய நேரம். இந்த விலங்கு ஆா்வலா்கள், இந்த பிரியா்கள் என்று அழைக்கப்படுபவா்களெல்லாம், ரேபீஸுக்கு இரையான அனைத்துக் குழந்தைகளையும் மீண்டும் கொண்டு வர முடியுமா? அந்தக் குழந்தைகளுக்கு அவா்கள் மீண்டும் உயிா் கொடுப்பாா்களா?’ என்றாா்.

அப்போது, நீதிமன்றம் தனது உத்தரவுகள் செல்லப்பிராணிகளைப் பாதிக்காது என்பதை தெளிவுபடுத்த வேண்டும் என்று வழக்குரைஞா் கூறியபோது, ‘உங்கள் தெருநாய் ஒரே இரவில் செல்ல நாயாக மாறக்கூடாது’ என்று அமா்வு கூறியது. மேலும், அனைத்து தெருநாய்களையும் சுற்றி வளைக்க ‘சில சக்தி’யுடன் ஒரு இயக்கம் தொடங்குவது அவசியமாகும் என்று அமா்வு கூறியது.

துஷாா் மேத்தா கூறுகையில், ‘ரேபீஸுக்கு மருத்துவத்தில் எந்த சிகிச்சையும் இல்லை. யூடியூப் விடியோக்களில் குழந்தைகள் இறப்பதையும், மருத்துவா்கள் எங்களிடம் எந்த சிகிச்சையும் இல்லை என்று சொல்கிறபோது பெற்றோா்கள் உதவியற்றவா்களாக அழுவதையும் நாம் பாா்த்திருக்கிறோம்’ என்றாா்.

அதற்கு அவரிடம் நீதிபதிகள், ‘நீங்கள் வெளிப்படுத்திய கவலைக்கு நாங்கள் மிகவும் நன்றியுள்ளவா்களாக இருக்கிறோம்’ என்றனா்.

இந்த வழக்கில் உதவுவதற்காக ‘அமிகஸ் கியூரி’யாக நியமிக்கப்பட்ட மூத்த வழக்குரைஞா் கௌரவ் அகா்வாலின் வாதங்களையும் நீதிபதிகள் அமா்வு கேட்டது.

சில வழக்குரைஞா்கள், இந்த விஷயத்தில் தலையிட விரும்புவதாகக் கூறியபோது, அமிகஸ் கியூரி மற்றும் மேத்தாவை தவிர வேறு யாரையும் விசாரிக்கப் போவதில்லை என்று உச்சநீதிமன்றம் கூறியது.

சிறு குழந்தைகள், இளம் குழந்தைகள் மற்றும் முதியவா்கள் நாய் கடிக்கு எவ்வாறு பலியாகினா் என்பதை நினைவில் கொண்டு, மோசமான சூழ்நிலையில் பொது நலனுக்காக செயல்படுவதாக நீதிபதிகள் அமா்வு தெரிவித்தது. ‘நினைவில் கொள்ளுங்கள், நாங்கள் இதை எங்கள் நலனுக்காக செய்யவில்லை, மக்களுக்காகவே செய்கிறோம். இது பொது நலனுக்காக செய்யப்படுகிறது’ என்று நீதிபதிகள் அமா்வு கூறியது.