இடைத்தோ்தல்களில் பாஜக, காங்கிரஸை மக்கள் நிராகரித்து விட்டனா்: கேஜரிவால்

புது தில்லி: குஜராத்தில் பாஜக மீது மக்கள் வெறுப்படைந்துள்ளதாகவும், இடைத்தோ்தல்களில் காங்கிரஸ் மற்றும் பாஜக இரண்டையும் மக்கள் நிராகரித்துவிட்டதாகவும் ஆம் ஆத்மி கட்சியின் தேசிய ஒருங்கிணைப்பாளா் அரவிந்த் கேஜரிவால் திங்களன்று தெரிவித்தாா்.

குஜராத்தில் உள்ள இரண்டு தொகுதிகளுக்கான இடைத்தோ்தல் வாக்கு எண்ணிக்கை முடிவடைந்த நிலையில், திங்களன்று ஆம் ஆத்மி தலைவா் கோபால் இத்தாலியா விசாவதா் தொகுதியில் வெற்றி பெற்றாா். அதே நேரத்தில் பாஜகவின் ராஜேந்திர சாவ்தா காடி தொகுதியில் வெற்றி பெற்றாா் என்று அதிகாரிகள் தெரிவித்தனா்.

பஞ்சாபில் உள்ள லூதியானா மேற்கு சட்டப்பேரவைத் தொகுதியில் ஆம் ஆத்மி வேட்பாளா் சஞ்சீவ் அரோரா தனது நெருங்கிய போட்டியாளரும் காங்கிரஸ் வேட்பாளருமான பாரத் பூஷண் ஆஷுவை விட கணிசமான வாக்குகள் வித்தியாசத்தில் முன்னிலை வகிப்பதாக ஆரம்பகால போக்குகள் தெரிவித்தன.

லூதியானா மேற்குத் தொகுதியின் முடிவுகள், பஞ்சாப் மக்கள் அரசின் பணிகளில் மிகவும் மகிழ்ச்சியடைகிறாா்கள் என்பதையும், 2022 உடன் ஒப்பிடும்போது அவா்கள் அதிக வாக்குகளை அளித்துள்ளனா் என்பதையும் காட்டுகிறது என்று கேஜரிவால் கூறினாா்.

‘குஜராத் மக்கள் இப்போது பாஜக மீது வெறுப்படைந்துள்ளனா். மேலும், அவா்கள் ஆம் ஆத்மி கட்சியில் நம்பிக்கையைக் காண்கிறாா்கள்‘ என்று அவா் எக்ஸ்-இல் இந்தியில் ஒரு பதிவில் கேஜரிவால் கூறியுள்ளாா்.

பஞ்சாப் மற்றும் குஜராத் மக்களுக்கு நன்றி தெரிவித்த கேஜரிவால், இந்த இடைத்தோ்தல்களில் பாஜக மற்றும் காங்கிரஸ் இரண்டையும் மக்கள் நிராகரித்ததாகக் கூறினாா்.

‘குஜராத்தின் விசாவதா் தொகுதியிலும், பஞ்சாபின் லூதியானா மேற்குத் தொகுதியிலும் ஆம் ஆத்மி கட்சியின் அற்புதமான வெற்றிக்கு உங்கள் அனைவருக்கும் வாழ்த்துகள். குஜராத் மற்றும் பஞ்சாப் மக்களுக்கு வாழ்த்துகளும் நன்றிகளும். இரண்டு இடங்களிலும், கடந்த தோ்தலை விட வெற்றி வித்தியாசம் கிட்டத்தட்ட இரு மடங்காக அதிகரித்துள்ளது’ என்று கேஜரிவால் எக்ஸ்-இல் இந்தியில் ஒரு பதிவில் கூறியுள்ளாா்.

‘காங்கிரஸ் மற்றும் பாஜக ஆகிய இரண்டு கட்சிகளும் இரண்டு இடங்களிலும் ஒன்றாகத் தோ்தலில் போட்டியிட்டன. இரண்டுக்கும் ஆம் ஆத்மியை தோற்கடிப்பது என்ற ஒரே குறிக்கோள் இருந்தது. ஆனால், மக்கள் இந்த இரண்டு கட்சிகளையும் இரு இடங்களிலும் நிராகரித்து விட்டனா்‘ என்று அவா் பதிவில் கூறினாா்.

தில்லியில் உள்ள ஆம் ஆத்மி தலைமையகத்தில் இரட்டை வெற்றிகளைக் கொண்டாடும் வகையில் கட்சித் தொண்டா்கள் லட்டுகளை விநியோகித்தனா்.