இந்திய ராணுவத்தினிரின் பாதுகாப்புக்காக தில்லி கோயில்களில் சிறப்பு பிராா்த்தனைகள்

இந்தியாவிற்கும் பாகிஸ்தானுக்கும் இடையிலான ராணுவ மோதலுக்கு மத்தியில், தில்லியில் உள்ள கோயில்கள் ஆயுதப்படை வீரா்களின் பாதுகாப்பு மற்றும் நாட்டின் நல்வாழ்வுக்காக பிராா்த்தனைகள் மற்றும் ‘ஹவன’ விழாக்களை ஏற்பாடு செய்தன.

சத்தா்பூா் கோயிலில் ‘ஹவனம்‘, புனித நூல்களை ஓதுதல் மற்றும் ‘ஆரத்தி’ உள்ளிட்ட பல்வேறு வகையான பிராா்த்தனை விழாக்கள் நடைபெற்று வருவதாக கோயில் அதிகாரி ஒருவா் தெரிவித்தாா்.

அவா் மேலும் கூறியதாவது: பாதுகாப்பு, சக்தி மற்றும் எதிா்மறையை வென்றெடுப்பதற்காக துா்கா தேவியின் ஆசிகளைப் பெற ‘துா்கா சப்தசதி’ ஓதப்படுகிறது. குறிப்பாக இந்த நெருக்கடியான காலங்களில் ஹனுமானின் முன்மாதிரியிலிருந்து வலிமையையும் பக்தியையும் பெற ‘ஹனுமான் சாலிசா’ அல்லது ‘சுந்தரகண்ட்‘ ஓதப்படுகிறது.

விஷ்ணுவுக்கு அா்ப்பணிக்கப்பட்ட ஒரு புகழ்பெற்ற பாடலான ‘விஷ்ணு சஹஸ்ரநாமம்‘, தேசிய சமநிலை, கூட்டு நல்வாழ்வு மற்றும் தெய்வீக பாதுகாப்புக்கான பிராா்த்தனைகளுடன் ஓதப்படுகிறது. உலக அமைதியை மையமாகக் கொண்டு, குறிப்பாக பாரத மாதாவுக்காக, ‘சாந்தி பாதை போன்ற அமைதி மந்திரங்கள் ஓதப்படுகின்றன.

மேலும், பூதேவி ‘ஸ்துதி‘யும் இந்த வழக்கத்தின் ஒரு பகுதியாகும். இது தாய் பூமிக்கு நன்றி தெரிவிக்கிறது மற்றும் இந்தியாவின் தொடா்ச்சியான வளா்ச்சி மற்றும் செழிப்புக்காக பிராா்த்தனை செய்கிறது. இந்த சடங்குகளுக்கு மேலதிகமாக, வாரத்திற்கு ஒரு முறை கூட்டு ‘ஹவன்’ ஏற்பாடு செய்யப்பட்டு, ஒற்றுமை மற்றும் வலிமையை வளா்ப்பதற்கான பகிரப்பட்ட ஆன்மிக முயற்சியில் பக்தா்களை ஒன்றிணைக்கிறது.

ஒவ்வொரு அமா்வும் தேசிய பெருமை மற்றும் உலகளாவிய சகோதரத்துவத்தின் உணா்வை உறுதிப்படுத்தும் ‘பாரத் மாதா கி ஜெய்’‘ மற்றும் ‘வசுதைவ குடும்பகம்‘ போன்ற எதிரொலிக்கும் கோஷங்களுடன் முடிவடைகிறது. மேலும், இந்த முயற்சிகள் அமைதி, ஆன்மிக மீள்தன்மை மற்றும் தேசிய நல்லிணக்கத்திற்கான கூட்டு உணா்வை உருவாக்குவதை நோக்கமாகக் கொண்டுள்ளன என்று அந்த அதிகாரி கூறினாா்.

ரோஹிணியில் உள்ள ஜகதாம்பா கோயிலில் வெள்ளிக்கிழமை மாலையில் இந்தியாவிற்காகவும் அனைவரின் பாதுகாப்பிற்காகவும் ஆரத்தசியுடன் கூடிய பிராா்த்தனைக்கு ஏற்பாடு செய்யப்பட்டிருந்தது. பக்தா்களின் பாதுகாப்பிற்காக கோயில் வளாகத்திற்கு வெளியே காவல் அதிகாரிகள் சோதனை இயந்திரங்களை நிறுவியுள்ளதாக ஹவுஸ் காஸில் உள்ள ஜெகந்நாதா் கோயிலின் அதிகாரி ஒருவா் தெரிவித்தாா்.