எஸ்.ஐ.ஆா். பணிக்கான அட்டவணை நீட்டிப்பு திமுகவுக்கு கிடைத்த வெற்றி: என்.ஆா். இளங்கோ பேட்டி

வாக்காளா் பட்டியல் சிறப்பு தீவிர திருத்த (எஸ்ஐஆா்) பணிக்கான அட்டவணையை இந்தியத் தோ்தல் ஆணையம் ஒரு வாரத்திற்கு நீட்டித்திருப்பது திமுகவுக்கு கிடைத்த வெற்றியாகும் என்று திமுக சட்டத் துறை செயலரும், மாநிலங்களவை உறுப்பினருமான என்.ஆா். இளங்கோ தெரிவித்துள்ளாா்.

இது தொடா்பாக அவா் தில்லியில் செய்தியாளா்களிடம் ஞாயிற்றுக்கிழமை கூறியது: வாக்காளா் பட்டியல் சிறப்பு தீவிர திருத்த (எஸ்ஐஆா்) பணிகளின்போது ஏறக்குறைய 95 சதவீதத்திற்கும் மேல் படிவங்கள் வழங்கப்பட்டுவிட்டன என்று தோ்தல் ஆணையம் கூறி வந்தது. மேலும், திரும்பப் பெறப்பட்ட படிவங்களை ஏறக்குறைய 75 முதல் 80 சதவீதம் வரை கணினியமயமாக்கப்பட்டதாகவும் கூறியது.

அதேவேளையில், சென்னையில் 55 சதவீதம் மட்டுமே கணினிமயமாக்கப்பட்டுள்ளது. ஆனால், எத்தனை சதவீதப் படிவங்கள் திரும்பப் பெறப்பட்டன என்ற கணக்கை தோ்தல் ஆணையம் தர வில்லை. இது பல வாக்காளா்களின் வாக்குகளை நீக்கிவிடும் அச்சமிருக்கிறது.

மேலும், பெறப்பட்ட படிவங்களை கணினிமயமாக்கப்பட்டதில் மிகுந்த காலதாமதம் ஆவதாக நாங்கள் உணா்ந்தோம். ஆகவேதான் மீண்டும் மீண்டும் தோ்தல் ஆணையத்தின் கால அட்டவணை சரியானதாக இல்லை என்பதை வலியுறுத்தி வந்தோம். பருவமழை பாதிப்பு காரணமாக இந்த பணிகள் பாதிக்கக்கூடிய வாய்ப்புகள் இருப்பதையும் சுட்டிக்காட்டினோம்.

அதேற்கேற்ப, தற்போது வந்துள்ள புயலும் அந்தப் பணியை பாதிக்கக்கூடிய நிலை இருக்கிறது. இந்த நிலையில், தோ்தல் ஆணையம் திமுகவின் அந்த நியாயமான வாதத்தை ஏற்று ஒரு வார காலத்திற்கு கணக்கீட்டுக் காலத்தை நீட்டித்திருக்கிறது. இது உண்மையில் திமுகவும், அதன் ஜனநாயகப் போராட்டத்துக்கும் கிடைத்த வெற்றியாக நாங்கள் பாா்க்கிறோம்.

எந்தவொரு தமிழ்நாட்டு குடிமகனின் வாக்கும் விடுபடக்கூடாது என்பதில் நாங்கள்உறுதியாக இருக்கிறோம். அந்தப் பயணத்தில் முதல் வெற்றியாக ஒருவார காலத்திற்கு இது தள்ளிவைக்கப்பட்டிருப்பது கொடுக்கப்பட்ட அனைத்துப் படிவங்களையும் திரும்பப்பெறுவதற்கும், அதைக் கணினியமாக்குவதற்கும் பயனுள்ளதாக இருக்கும் என்று கருதுகிறோம். இருந்தபோதிலும், இந்த எஸ்ஐஆா் பணியில் பல சிக்கல்கள் இன்னும் தீா்க்கப்படாமல் உள்ளன என்றாா் அவா்.