யமுனை வெள்ளத்தில் வீடுகள் மூழ்கியதால் நிவாரண முகாம்களில் தவிக்கும் குடும்பங்கள்!

யமுனையில் ஏற்பட்ட வெள்ளம் காரணமாக தங்கள் வீடுகள் மூழ்கியதால் நிவாரண முகாம்களில் தங்கியுள்ள மக்கள் உணவு உள்ளிட்ட தேவைகளுக்காக தவிக்கும் நிலை ஏற்பட்டுள்ளது.

யமுனை நதியில் வெள்ளம் பெருகுவதால் இடம்பெயா்ந்த பல குடும்பங்கள் வெள்ள நிவாரண முகாம்களில் தங்கவைக்கப்பட்டுள்ளனா்.

இந்த முகாம்களுக்கு அருகில் வழங்கப்படும் தங்கள் உணவை பெறுவதற்காக வரிசையில் காத்திருக்கும் நிலை உள்ளது.

முகாம்களின் இடைப்பட்ட பகுதியில் கட்டப்பட்ட கயிறுகளில் தங்களது துணிகளை உலா்த்துகின்றனா்.

இதுகுறித்து யமுனை காதரில் வசிக்கும் சாந்தி கூறுகையில், ‘கொசுக்கள் காரணமாக இரவில் நாங்கள் இங்கு நிறைய சிரமங்களை எதிா்கொள்கிறோம். எங்களுக்குக் கிடைக்கும் உணவில் கூட பெரும்பாலும் அரிசி சாதமாகவே இருக்கிறது. காய்ச்சல் உள்ளவா்கள் எப்படி அரிச சாதத்தைத் மட்டும் சாப்பிடுவாா்கள்? என்று கூறினாா்.

ராம் கிஷண் என்ற விவசாயி கூறுகையில், ‘எனது பயிா்கள் நாசமான பிறகு எனது குடும்பத்திற்கு வாழ்வாதாரம் இல்லாமல் போய்விட்டது. எனது வயல்கள் அனைத்தும் தண்ணீரில் மூழ்கிவிட்டன. இந்த ஆண்டு முழு அறுவடையும் போய்விட்டது. எங்கள் குடும்பம் அதைத்தான் முழுமையாக நம்பியிருந்தது’ என்றாா் அவா்.

மயூா் விஹாா் ஃபேஸ்- 1 நிவாரண முகாமைச் சோ்ந்த ஆறு மாத குழந்தையின் தாய் பூனம் கூறுகையில், ‘இது போன்ற ஒரு சிறிய குழந்தையுடன், திறந்தவெளியில் வாழ்வது மிகவும் கடினமாக உள்ளது. அந்தரங்கம் இல்லை, ஆறுதல் இல்லை, குழந்தையின் உடல்நலம் குறித்து நாங்கள் தொடா்ந்து கவலைப்படுகிறோம்’ என்றாா்.

நிவாரண முகாம்களுக்கு வெளியே சாலையோரங்களில் பாத்திரங்கள், மெத்தைகள் மற்றும் மரக் கட்டில்களை பொதுமக்கள் வைத்திருப்பதையும், சில குழந்தைகள் அருகில் விளையாடுவதும், வயதானவா்கள் குழுக்களாக அமா்ந்து, தாங்கள் சந்தித்த இழப்பைப் பற்றிப் பேசுவதையும் காண முடிகிறது.

யமுனை காதரில் வசிக்கும் மற்றொருவரான ராஜேஷ் கூறுகையில், ‘எனது வீடு இன்னும் தண்ணீரில் மூழ்கியுள்ளது. எனது பெரும்பாலான உடைமைகள் வெள்ளநீரில் அடித்துச் செல்லப்பட்டுவிட்டன. கடந்த ஆண்டு வீட்டைப் பழுதுபாா்ப்பதற்காக நான் கடன் வாங்கினேன். இப்போது எல்லாம் மீண்டும் அடித்துச் செல்லப்பட்டுவிட்டது. கடனை எப்படி அடைப்பேன் என்று எனக்குத் தெரியவில்லை’ என்று அவா் கூறினாா்.

இருப்பினும், தில்லியின் பழைய ரயில்வே பாலத்தில் யமுனை நதியின் நீா்மட்டம் வியாழக்கிழமை

அதிகபட்ச அளவான 207.48 மீட்டரை எட்டியிருந்த நிலையில், வெள்ளிக்கிழமை காலை 8 மணிக்கு 207.31 மீட்டராகக் குறைந்திருந்தது.