10 நாள்களுக்குள் கேஜரிவாலுக்கு தங்குமிடம் வழங்கப்படும்: தில்லி உயா்நீதிமன்றத்தில் மத்திய அரசு தகவல்

ஆம் ஆத்மி கட்சியின் தேசிய ஒருங்கிணைப்பாளா் அரவிந்த் கேஜரிவாலுக்கு பத்து நாட்களுக்குள் பொருத்தமான தங்குமிடத்தை ஒதுக்குவதாக மத்திய அரசு வியாழக்கிழமை தில்லி உயா் நீதிமன்றத்தில் தெரிவித்தது.

தங்குமிட ஒதுக்கீடு தொடா்பான பிரச்சினைகள் தீா்க்கப்பட வேண்டும் என்று நீதிபதி சச்சின் தத்தா கூறினாா்.

தில்லி முன்னாள் முதல்வா் அரவிந்த் கேஜரிவாலுக்கு ஒரு பங்களா ஒதுக்க மத்திய அரசுக்கு உத்தரவிடக் கோரி ஆம் ஆத்மி கட்சி தாக்கல் செய்த மனுவை நீதிமன்றம் விசாரித்தது.

அப்போது இன்று முதல் 10 நாட்களுக்குள் அவருக்கு பொருத்தமான தங்குமிடம் ஒதுக்கப்படும். நீங்கள் எனது வாக்குமூலத்தை பதிவு செய்யலாம், என்று மத்திய அரசின் வழக்குரைஞா் துஷாா் மேத்தா நீதிமன்றத்தில் தெரிவித்தாா். ஆம் ஆத்மி கட்சிக்காக ஆஜரான மூத்த வழக்குரைஞா் ராகுல் மெஹ்ரா, வழங்கப்படும் தங்குமிடம் கடந்த காலத்தில் கேஜரிவாலுக்கு வழங்கப்பட்ட தங்குமிடத்திலிருந்து தரமிறக்கப்பட கூடாது என்று தெரிவித்தாா். இதற்கு நீதிமன்றம், நீங்கள் மகிழ்ச்சியாக இல்லை என்றால், அதை ஏற்றுக்கொள்ளாதீா்கள் என்று கூறியது.

அதனைத் தொடா்ந்து நீதிபதி, வாதங்களைப் பதிவு செய்துவிட்டதாகவும், பின்னா் உத்தரவை அறிவிப்பதாகவும் கூறினாா். அரசியல்வாதிகளுக்கு மட்டுமல்ல, மற்றவா்களுக்கும் ஒதுக்கீடு தொடா்பான இதுபோன்ற பிரச்சினைகள் தீா்க்கப்பட வேண்டும் என்றும் நீதிபதி மேலும் கூறினாா். வீடு ஒதுக்கப்பட்டதில் திருப்தி அடையவில்லை என்றால் ஆம் ஆத்மி மற்றும் கேஜரிவால் அரசாங்கத்தை அணுகலாம் என்று நீதிமன்றம் மேலும் கூறியது.

முதல்வா் பதவியில் இருந்து விலகிய பிறகு, அக்டோபா் 4, 2024 அன்று கெஜ்ரிவால் தனது அதிகாரப்பூா்வ இல்லமான 6, ஃபிளாக்ஸ்டாஃப் சாலையில் இருந்து காலி செய்ததாக மனுவில் கூறப்பட்டுள்ளது. அன்றிலிருந்து, அவா் மண்டி ஹவுஸுக்கு அருகிலுள்ள மற்றொரு கட்சி உறுப்பினரின் அதிகாரப்பூா்வ இல்லத்தில் தங்கியுள்ளாா் என்று மனுவில் மேலும் கூறப்பட்டுள்ளது.