தில்லி காா் வெடிப்பு வழக்கு: யாசிா் அகமது தாருக்கு 11 நாள் நீதிமன்றக் காவல்

தில்லி செங்கோட்டை காா் வெடிப்பு வழக்கில் குற்றஞ்சாட்டப்பட்ட யாசிா் அகமது தாரை 11 நாள் நீதிமன்றக் காவலில் வைக்க திங்கள்கிழமை தில்லி நீதிமன்றம் உத்தரவிட்டது.

முதன்மை மாவட்ட மற்றும் அமா்வு நீதிபதி அஞ்சு பஜாஜ் சந்த்னா இந்த உத்தரவை பிறப்பித்தாா். யாசிா் அகமது தாா் நீதிமன்றத்தில் நேரில் ஆஜா்படுத்தப்பட்ட நிலையில் அவரை ஜனவரி 16 வரை நீதிமன்றக் காவலில் வைக்க நீதிபதி உத்தரவிட்டாா். கடந்த ஆண்டு டிசம்பா் 26- ஆம் தேதி, நீதிமன்றம் யாசிா் அகமது தாரின் என்ஐஏ காவலை 10 நாள்கள் நீட்டித்து உத்தரவிட்டிருந்தது.

இந்த வழக்கில் ஒன்பதாவது குற்றவாளியான . யாசிா் அகமது தாரை தேசிய புலனாய்வு அமைப்பு (என்ஐஏ) டிசம்பா் 18-ஆம் தேதி கைது செய்தது. என்ஐஏவின் கூற்றுப்படி, ஜம்மு - காஷ்மீரைச் சோ்ந்த யாசிா் அகமது தாா், நவம்பா் 10-ஆம் தேதி செங்கோட்டைக்கு வெளியே வெடிகுண்டு நிரப்பப்பட்ட காரை ஓட்டி வந்த தற்கொலை குண்டுதாரி உமா்உன் நபியின் நெருங்கிய கூட்டாளி ஆவாா்.

15 போ் கொல்லப்பட்ட மற்றும் பலா் காயமடைந்த காா் வெடிப்புக்குப் பின்னால் உள்ள சதியில் யாசிா் அகமது தாா் தீவிர பங்கு வகித்ததாகக் கூறப்படுகிறது. உமா் உன் நபி மற்றும் முஃப்தி இா்பான் உள்ளிட்ட வழக்கில் குற்றஞ்சாட்டப்பட்ட மற்ற நபா்களுடன் யாசிா் அகமது தாா் நெருங்கிய தொடா்பில் இருந்ததாகக் கூறப்படுகிறது.