ஏடிஎம் மோசடியில் ஈடுபட்டதாக 2 போ் கைது

ஏடிஎம் மோசடியில் ஈடுபட்டதாகக் கூறப்படும் சட்டவிரோத துப்பாக்கிகளை வைத்திருந்த இரண்டு போ் தென்மேற்கு தில்லியில் கைது செய்யப்பட்டதாக போலீஸாா் சனிக்கிழமை தெரிவித்தனா்.

இது குறித்து காவல் துறையினா் கூறியதாவது: சல்மான் என அடையாளம் காணப்பட்டஇரண்டு குற்றவாளிகள், ஏடிஎம் ஜாமிங் எனப்படும் முறையைப் பயன்படுத்தி மோசடி செய்துள்ளனா். அவா்கள் ஏடிஎம் இயந்திரங்களின் பணம் வழங்கும் ஷட்டரில் சிறிய உலோக கிளிப்புகளைச் செருகி, வாடிக்கையாளரின் வங்கிக் கணக்கில் இருந்து பணம் டெபிட் செய்யப்பட்டாலும் பணம் வழங்கப்படுவதை தடுத்துள்ளனா்.

இது ஒரு தொழில்நுட்பக் கோளாறு என்று நம்பி வங்கியிடமிருந்து பணத்தைத் திரும்பப் பெற எதிா்பாா்த்து, வாடிக்கையாளா்கள் ஏடிஎம் கியோஸ்க்கை விட்டு வெளியேறுவாா்கள். குற்றஞ்சாட்டப்பட்டவா்கள் பின்னா் ஜாமிங் சாதனத்தை அகற்றி உள்ளே சிக்கிய பணத்தை எடுத்துச் செல்வாா்கள்.

இதுபோன்ற நடவடிக்கைகளின் போது தங்களைப் பாதுகாத்துக் கொள்ள, குற்றஞ்சாட்டப்பட்டவா்கள் சட்டவிரோத துப்பாக்கிகளை வைத்திருந்திருந்தது தெரிய வந்துள்ளது. ஒரு நாட்டுத் துப்பாக்கி, இரண்டு தோட்டாக்கள், ரூ.12,700 ரொக்கம், நான்கு ஏடிஎம் ஜாமிங் சாதனங்கள் மற்றும் ஏடிஎம் ஷட்டா்களை உடைக்கப் பயன்படுத்தப்படும் ஒரு ஸ்க்ரூடிரைவா் ஆகியவை அவா்களிடம் இருந்து பறிமுதல் செய்யப்பட்டன.

ஜனவரி 1-ஆம் தேதி, வழக்கமான ரோந்துப் பணியின் போது, கிஷன்கா் பகுதியில் சந்தேகத்திற்கிடமான ஒருவா் சுற்றித் திரிவதை போலீஸாா் கவனித்தனா். அந்த நபா் போலீஸாரைக் கண்டதும் தப்பியோட முயன்றபோது, அவா் கைது செய்யப்பட்டாா். சோதனையின் போது, அவரது வசம் இருந்து ஒரு நாட்டுத் துப்பாக்கி பறிமுதல் செய்யப்பட்டது.

கிஷன்கா் காவல் நிலையத்தில் ஆயுதச் சட்டத்தின் தொடா்புடைய பிரிவுகளின் கீழ் வழக்குப் பதிவு செய்யப்பட்டு, குற்றம் சாட்டப்பட்ட கபீரின் மகன் சல்மான் கைது செய்யப்பட்டாா்.

விசாரணையின் போது, குற்றஞ்சாட்டப்பட்டவா் ஏடிஎம் மோசடி வழக்குகளில் தனக்கு தொடா்பு இருப்பதாகவும், சட்டவிரோத துப்பாக்கியை அவருக்கு வழங்கியதாகக் கூறப்படும் அவரது கூட்டாளியான உஸ்மானின் மகன் சல்மானின் அடையாளத்தை வெளிப்படுத்தினாா்.

இந்தத் தகவலின் அடிப்படையில், காவல் குழு, இரண்டு தோட்டாக்களை வைத்திருந்த சக குற்றவாளி சல்மானை கைது செய்தது.

இதே போன்ற பிற வழக்குகளில் அவா்களுக்கு தொடா்பு இருப்பதை உறுதி செய்வதற்கும், சட்டவிரோத ஆயுதங்கள் மற்றும் ஏடிஎம் ஜாம் செய்யும் சாதனங்களின் மூலத்தைக் கண்டுபிடிப்பதற்கும் மேலும் விசாரணை நடந்து வருவதாக காவல் துறையினா் தெரிவித்தனா்.