தமிழ் நாடக இலக்கியம்

தமிழ் நாடக இலக்கியம் - ப.பாலசுப்பிரமணியன்; பக். 180; ரூ.180; சங்கர் பதிப்பகம், சென்னை- 49; 044-26502086.

தமிழ் நாடக இலக்கியத்தின் தோற்றம் முதல் இன்று வரையிலான ஏற்றங்களை அற்புதமான முறையில் நூலாசிரியர் விளக்கியுள்ளார். நவீன வரவுகளான டி.வி.க்கள், சினிமா என்று 
வந்தபோதும்,  கூத்துக் கலைக்கு இருக்கும் வரவேற்பை விவரிக்கிறது இந்த நூல்.

நாடகத்தின் தொன்மை, தற்கால வளர்ச்சி, இலங்கையில் தமிழ் நாடகத்தின் தாக்கம் என 18 கட்டுரைகள் இடம்பெற்றுள்ளன.

தமிழ் நாடக மூவர் மற்றும் அண்ணா,  சிவாஜி கணேசன்,  என்.எஸ்.கே., சோ என்று பல ஆளுமைகள் நாடகக் கலைக்கு ஆற்றிய தொண்டுகள் குறிப்பிடப்பட்டுள்ளன.
நாடகங்கள் வாயிலாக மக்களுக்கு சுதந்திர வேட்கையை ஏற்படுத்தியதும்,  ஆங்கிலேய ஆட்சியாளர்கள் விடுத்த தடைகள், கட்டுப்பாடுகளும் புதிய பாணியில் உரைக்கப்பட்டுள்ளன.
சமூக களத்தை நாடக மேடையாக்கி சாதாரண மனிதர்களை பார்வையாளர் களாகவும், பங்கேற்பாளர்களாகவும் மாற்றிய திராவிட இயக்கங்கள் பற்றி விரிவாக பேசுகிறது ஒரு கட்டுரை.

சென்னையில் நாடக சபாக்கள் தோற்றம், பின்னர் தமிழகம் முழுவதும் நாடகங்கள் அரங்கேறிய விதமும், நாடகக் கலைஞர்களின் வாழ்வும், வளர்ச்சியும் தொடர்பான கட்டுரைகள் அரிய தகவல்களைத் தருகின்றன.