மிர்பூர் டெஸ்ட்: தெ.ஆ. வரலாற்று வெற்றி..! டெஸ்ட் சாம்பியன்ஷிப் பட்டியலில் முன்னேற்றம்!

தென்னாப்பிரிக்க அணி வங்கதேசத்துக்கு சுற்றுப் பயணம் செய்து 2 போட்டிகள் கொண்ட டெஸ்ட் தொடரில் விளையாடுகிறது.

இதில் முதல் டெஸ்ட் மிா்பூரில் நடைபெற்றது. முதல் இன்னிங்ஸில் வங்கதேசம் 106 ரன்களுக்கு ஆல் அவுட்டானது. தென்னாப்பிரிக்க அணி 308 ரன்களுக்கு ஆல் அவுட்டானது.

அடுத்து 2ஆவது இன்னிங்ஸில் வங்கதேசம் 307க்கு ஆட்டமிழக்க தென்னாப்பிரிக்க அணி 106/3 ரன்கள் எடுத்து 7 விக்கெட்டுகள் வித்தியாசத்தில் அபார வெற்றி பெற்றது.

இந்த வெற்றியின் மூலம் 2014க்குப் பிறகு ஆசியாவில் தென்னாப்பிரிக்காவின் முதல் வெற்றி இதுவேயாகும்.

மேலும், உலக டெஸ்ட் சாம்பியன்ஷிப்பில் தெ.ஆ. அணி 4ஆவது இடத்துக்கு முன்னேறியுள்ளது.

மீதமுள்ள 5 போட்டிகளில் வெற்றி பெற்றால் உலக டெஸ்ட் சாம்பியன்ஷிப்பின் இறுதிப் போட்டிகளில் விளையாட தகுதிபெறும் என்பது குறிப்பிடத்தக்கது.