செய்தி மடல்
இ-பேப்பர்
அதிவேக 2,500..! ஷுப்மன் கில் புதிய சாதனை!
அதிவேக 2,500..ஷுப்மன் கில் புதிய சாதனை...
இந்திய கிரிக்கெட் அணியின் துணைக் கேப்டன் ஷுப்மன் கில் சதம் விளாசியதன் மூலம் புதிய சாதனை ஒன்றை படைத்துள்ளார்.
இந்தியாவில் சுற்றுப்பயணம் மேற்கொண்டுள்ள இங்கிலாந்து அணி 3 போட்டிகள் கொண்ட ஒருநாள் தொடரில் விளையாடி வருகிறது. முதல் இரண்டு போட்டிகளில் தோல்வியைத் தழுவிய இங்கிலாந்து அணி தொடரையும் இழந்தது.
இந்த நிலையில், அகமதாபாத்தில் நடைபெற்றுவரும் மூன்றாவது மற்றும் கடைசி ஒருநாள் போட்டியில் டாஸ் வென்ற இங்கிலாந்து அணி பவுலிங்கை தேர்வு செய்து விளையாடி வருகிறது.
முதலில் பேட்டிங் செய்த இந்திய அணியில் அதிரடியாக விளையாடிய இந்திய அணியின் துணைக் கேப்டன் ஷுப்மன் கில் 102 பந்துகளில் 112 ரன்கள் எடுத்து விக்கெட்டைப் பறிகொடுத்தார். இந்தப் போட்டியில் பல சாதனைகளுக்குச் சொந்தக்காரர் ஆகியிருக்கிறார் ஷுப்மன் கில்.
கில் இந்தத் தொடரின் மூன்று போட்டிகளில் 2 அரைசதங்கள் மற்றும் 1 சதம் விளாசியுள்ளார். ஒரு தொடரின் 3 போட்டிகளில் தொடர்ச்சியாக 3 அரைசதங்கள் விளாசிய 7 வது இந்திய வீரர் என்ற சாதனையும் படைத்துள்ளார்.
2019 ஆம் ஆண்டு ஜனவரியில் இந்திய அணிக்காக அறிமுகமான கில்லின் 50 வது போட்டி இதுவாகும். 50-வது ஒருநாள் போட்டியில் சதமடித்த முதல் இந்திய வீரர் என்ற சாதனையை படைத்தார். மேலும் ஒருநாள் போட்டிகளில் அதிவேகமாக 2500 ரன்களை எட்டிய வீரர் என்ற தென்னாப்பிரிக்க வீரர் ஹசிம் அம்லாவின் சாதனையையும் முறியடித்துள்ளார். குறைந்த இன்னிங்ஸ்களில் 7 சதங்கள் விளாசியவர் என்ற சாதனைக்கும் கில் சொந்தக்காரர் ஆகியுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.