மே 28-ல் பக்ரீத் பெருநாள் : தலைமைக் காஜி அறிவிப்புகேரள சட்டப்பேரவையின் அமைச்சர்கள் பட்டியலை வெளியிட்டார் முதல்வராக நியமிக்கப்பட்டுள்ள வி.டி. சதீசன்மாஸ்கோவில் ட்ரோன் தாக்குதல்: இந்தியர் ஒருவர் பலி, 3 பேர் படுகாயம் திரைப்படத் தயாரிப்பாளர் கே. ராஜன் அடையாறு ஆற்றில் குதித்து தற்கொலை தமிழகத்தில் மே 23 வரை மிதமான மழைக்கு வாய்ப்பு!ஹோர்முஸ் நீரிணை வழியாக ராணுவ உபகரணங்கள்! தடை விதிக்கும் ஈரான்!நள்ளிரவில் ரஷியா மீது தாக்குதல் நடத்திய 500 உக்ரைன் ட்ரோன்கள்! உள்நோக்கத்தோடு அவதூறு பரப்புகிறார் அமைச்சர் கீர்த்தனா: தங்கம் தென்னரசு கண்டனம்நாட்டின் தொழில் துறை வளர்ச்சியில் குஜராத்திற்கு முக்கியப் பங்கு: அமித் ஷா
/

ஷேன் வாட்சனின் சாதனையை முறியடிக்க காத்திருக்கும் ஜோஃப்ரா ஆர்ச்சர்!

ஆஸ்திரேலிய அணியின் முன்னாள் வீரர் ஷேன் வாட்சனின் சாதனையை வேகப் பந்துவீச்சாளர் ஜோஃப்ரா ஆர்ச்சர் முறியடிக்கவுள்ளார்.

News image

ஜோஃப்ரா ஆர்ச்சர் - படம் | AP

Updated On :22 ஏப்ரல் 2026, 4:20 pm IST

ஆஸ்திரேலிய அணியின் முன்னாள் வீரர் ஷேன் வாட்சனின் சாதனையை வேகப் பந்துவீச்சாளர் ஜோஃப்ரா ஆர்ச்சர் முறியடிக்கவுள்ளார்.

இங்கிலாந்து அணியின் வேகப் பந்துவீச்சாளரான ஜோஃப்ரா ஆர்ச்சர் ஐபிஎல் தொடரில் ராஜஸ்தான் ராயல்ஸ் அணிக்காக விளையாடி வருகிறார். கடந்த 2018 ஆம் ஆண்டு ஐபிஎல் தொடரில் அறிமுகமான ஆர்ச்சர் இதுவரை 6 சீசன்களில் விளையாடியுள்ளார். அதில் 5 சீசன்களில் ராஜஸ்தான் ராயல்ஸ் அணிக்காகவும், ஒரு சீசனில் மும்பை இந்தியன்ஸ் அணிக்காகவும் விளையாடியுள்ளார்.

ஷேன் வாட்சனின் சாதனையை முறியடிப்பாரா?

ராஜஸ்தான் ராயல்ஸ் அணியின் முன்னாள் வீரரான ஷேன் வாட்சன் அந்த அணிக்காக 84 போட்டிகளில் விளையாடி 67 விக்கெட்டுகளைக் கைப்பற்றியுள்ளார். ராஜஸ்தான் ராயல்ஸ் அணிக்காக அதிக விக்கெட்டுகள் வீழ்த்திய வீரர் என்ற பெருமை அவரையேச் சேரும்.

ராஜஸ்தான் ராயல்ஸ் அணிக்காக அதிக விக்கெட்டுகள் வீழ்த்தியவர்கள் வரிசையில் ஷேன் வாட்சனுக்கு அடுத்தபடியாக, யுஸ்வேந்திர சஹால் (66 விக்கெட்டுகள்), சித்தார்த் திரிவேதி (65 விக்கெட்டுகள்), ஜோஃப்ரா ஆர்ச்சர் (65 விக்கெட்டுகள்) ஆகியோர் உள்ளனர்.

தற்போது ராஜஸ்தான் ராயல்ஸ் அணிக்காக விளையாடி வரும் ஜோஃப்ரா ஆர்ச்சர் இன்னும் 3 விக்கெட்டுகளைக் கைப்பற்றும் நிலையில், ஷேன் வாட்சனின் சாதனையை முறியடிப்பார். இதுவரை ராஜஸ்தான் ராயல்ஸ் அணிக்காக 53 போட்டிகளில் விளையாடியுள்ள ஆர்ச்சர் 65 விக்கெட்டுகளைக் கைப்பற்றியுள்ளார்.

நடப்பு ஐபிஎல் தொடரில் லக்னௌவில் நடைபெறும் இன்றையப் போட்டியில் ராஜஸ்தான் ராயல்ஸ் மற்றும் லக்னௌ சூப்பர் ஜெயண்ட்ஸ் அணிகள் விளையாடுகின்றன. இந்தப் போட்டியில் ஜோஃப்ரா ஆர்ச்சர் 3 விக்கெட்டுகளைக் கைப்பற்றும் பட்சத்தில், ராஜஸ்தான் ராயல்ஸ் அணிக்காக அதிக விக்கெட்டுகள் வீழ்த்திய வீரர் என்ற சாதனையை அவர் படைப்பார்.

Summary

Fast bowler Jofra Archer is set to break the record held by former Australian player Shane Watson.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.