சென்னையில் பிரதமர் மோடி முக்கிய ஆலோசனை! அண்ணாமலை பங்கேற்பு!நான் எந்தத் தொகுதியும் கேட்கவில்லை: அண்ணாமலை விளக்கம்தங்கம் விலை சவரனுக்கு ரூ. 800 உயர்வு! புதுச்சேரியில் இன்று விஜய் பிரசாரம்நாளை 8 புறநகா் மின்சார ரயில்கள் ரத்துமின்சார அடுப்புகள், பாத்திரங்கள் உற்பத்தியை ஊக்குவிக்க நடவடிக்கை: மத்திய அரசு ஆலோசனைசென்னைப் பல்கலை. வளாகங்களில் படப்பிடிப்புகளுக்கு 5 மடங்கு கட்டண உயா்வு6-ஆம் வகுப்புமுதல் மும்மொழிப் பாடம்: சிபிஎஸ்இ திட்டம்
/

ஒருநாள், டி20 தொடர்களுக்காக வங்கதேசம் சுற்றுப்பயணம் மேற்கொள்ளும் இந்திய அணி!

ஒருநாள் மற்றும் டி20 தொடர்களுக்காக இந்திய அணி வருகிற செப்டம்பரில் வங்கதேசத்துக்கு சுற்றுப்பயணம் மேற்கொள்ளவுள்ளது.

News image

இந்திய அணி வீரர்கள் - படம் | பிசிசிஐ

Updated On :2 ஜனவரி 2026, 1:00 pm

ஒருநாள் மற்றும் டி20 தொடர்களுக்காக இந்திய அணி வருகிற செப்டம்பரில் வங்கதேசத்துக்கு சுற்றுப்பயணம் மேற்கொள்ளவுள்ளது.

இந்திய அணி கடந்த ஆண்டு ஜூலையில் வங்கதேசத்துக்கு சுற்றுப்பயணம் மேற்கொண்டு ஒருநாள் மற்றும் டி20 தொடர்களில் விளையாடுவதாக இருந்தது. வங்கதேசத்தில் நிலவிய வன்முறை மற்றும் அசாதாரண சூழல் காரணமாக இந்திய அணியின் சுற்றுப்பயணம் காலவரையறையின்றி ஒத்திவைக்கப்படுவதாக அறிவிக்கப்பட்டது.

இந்த நிலையில், ஒருநாள் மற்றும் டி20 தொடர்களுக்காக வருகிற செப்டம்பரில் இந்திய அணி வங்கதேசத்துக்கு சுற்றுப்பயணம் மேற்கொள்ளவுள்ளதாக வங்கதேசம் கிரிக்கெட் வாரியம் தரப்பில் தெரிவிக்கப்பட்டுள்ளது.

ஒருநாள் போட்டிகள் செப்டம்பர் 1, 3 மற்றும் 6 ஆகிய தேதிகளிலும், டி20 போட்டிகள் செப்டம்பர் 9, 12 மற்றும் 13 ஆகிய தேதிகளிலும் நடைபெறும் எனவும் வங்கதேச கிரிக்கெட் வாரியம் தரப்பில் தெரிவிக்கப்பட்டுள்ளது.

இந்திய அணி செப்டம்பரில் வங்கதேசத்துக்கு சுற்றுப்பயணம் மேற்கொள்ளவுள்ளதாக வங்கதேச கிரிக்கெட் வாரியம் தெரிவித்துள்ளபோதிலும், பிசிசிஐ தரப்பில் இது தொடர்பாக எந்த ஒரு அதிகாரபூர்வ அறிவிப்பும் வெளியாகவில்லை.

இது தொடர்பாக விரைவில் அதிகாரபூர்வ அறிவிப்பு வெளியாகும் என எதிர்பார்க்கப்படுகிறது.

Summary

The Indian team will tour Bangladesh in September for the ODI and T20 series.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.