ஐபிஎல் போட்டியில் அதிக சதங்கள்: பலன் பெறாத அணிகளும் ஆச்சர்யத் தகவல்களும்!

டி20 ஆட்டத்தில் சதமடிப்பது என்பது உண்மையிலேயே மெச்சத்தகுந்த செயல்.

120 பந்துகளில் ஒரு வீரருக்கு அதிகபட்சம் 60 பந்துகள் கிடைத்தாலே அது ஆச்சர்யம்தான். எனினும் ஐபிஎல் போட்டியில் இதுவரை 52 சதங்கள் எடுக்கப்பட்டுள்ளன. அதன் தொகுப்பு:

அதிக ஐபிஎல் சதங்கள் எடுத்துள்ள அணிகள்

12 பெங்களூர் 
10 பஞ்சாப்  
8 தில்லி  
8 சென்னை  
4 மும்பை  
4 ராஜஸ்தான்  
2 டெக்கான் சார்ஜர்ஸ்  
2 புனே சூப்பர்ஜெயண்ட்  
1 கொல்கத்தா  
1 சன்ரைசர்ஸ்  

மொத்த சதங்கள் : 52 ( இதில் 42 சதங்கள் வெற்றிக்குக் காரணமாகியுள்ளன.)

* மொத்தமுள்ள 52 சதங்களில் 30 சதங்களை பெங்களூர், பஞ்சாப், தில்லி ஆகிய அணிகள் இணைந்து எடுத்துள்ளன. அதாவது 58%. எனினும் இந்த மூன்று அணிகளும் ஐபிஎல் கோப்பையை இதுவரை வென்றதில்லை!

* பெங்களூரின் 12 சதங்களில் கெய்ல் 5 சதங்களும் கோலி 4 சதங்களும் எடுத்துள்ளார்கள். 

* ஐபிஎல் போட்டியின் முதல் ஆட்டத்திலேயே கேகேஆர் வீரர் மெக்கல்லம் 158 ரன்கள் எடுத்தார். ஆனால் அதுவே அந்த அணியின் ஒரே ஐபிஎல் சதமாகும். அந்த முதல் நாள் அதிரடி சதத்துக்குப் பிறகு இன்றுவரை கேகேஆர் அணியால் ஒரு சதம் கூட எடுக்கமுடியவில்லை. 

* கடந்த வருடம் சிஎஸ்கேவின் ஷேன் வாட்சன் இரு சதங்கள் எடுத்தார். ரிஷப் பந்த், அம்பட்டி ராயுடு, கிறிஸ் கெயில் ஆகியோரும் கடந்த வருடம் சதமடித்தார்கள். 

ஐபிஎல்: அதிக சதங்கள்

கிறிஸ் கெயில் - 6
விராட் கோலி - 4
ஷேன் வாட்சன் - 4
டேவிட் வார்னர் - 3
டி வில்லியர்ஸ் - 3

* ஐபிஎல் போட்டியில் இதுவரை 32 வீரர்கள் சதமடித்துள்ளார்கள். அவர்களில் 14 இந்திய வீரர்கள், 18 வெளிநாட்டு வீரர்கள். 

அதிவேக சதங்கள்

கிறிஸ் கெயில் - 30 பந்துகள் (புனே வாரியர்ஸ் அணிக்கு எதிராக, 2013)
யூசுப் பதான் - 37 பதங்கள் (மும்பை அணிக்கு எதிராக, 2010)
டேவிட் மில்லர் - 38 பந்துகள் (ஆர்சிபிக்கு எதிராக, 2013)

* ஐபிஎல் சதங்களில் அதிகப் பந்துகளை எடுத்துக்கொண்டவர், ஆர்சிபியின் மனீஷ் பாண்டே. 2009-ல் டெக்கான் சார்ஜர்ஸ் அணிக்கு எதிராக. மேலும், ஐபிஎல் போட்டியில் சதமடித்த முதல் இந்தியர் என்கிற பெயரை அவர் பெற்றார்.

* 2016 ஐபிஎல் போட்டியில், அந்த ஒரு சீசனில் மட்டுமே 4 சதங்கள் எடுத்து அசத்தினார் விராட் கோலி.