எப்பப்பா கல்யாணம்? உசேன் போல்டிடம் தாய் கோரிக்கை!

உசேன் போல்ட், உலகப் புகழ்பெற்ற விளையாட்டு வீரர். 120 ஆண்டுகால நவீன ஒலிம்பிக் வரலாற்றில் 100 மீ. மற்றும் 200 மீ., 4*100 மீ. தொடர் ஓட்டங்களில் தொடர்ந்து மூன்று முறை தங்கம் வென்ற முதல் நபர். 2008 முதல் ஒலிம்பிக்கில் பங்கேற்று வரும் போல்ட், 100 மீ. ஓட்டத்தில் 3 தங்கம், 200 மீ. ஓட்டத்தில் 3 தங்கம், 4*100 மீ. தொடர் ஓட்டத்தில் 3 தங்கம் என மொத்தம் 9 தங்கப் பதக்கங்களை வென்றிருக்கிறார். இந்தச் சாதனைகள் ஒலிம்பிக் வரலாற்றில் உடைக்க வாய்ப்பில்லாத ஒன்று. மேற்கண்ட 3 போட்டிகளிலுமே உலக சாதனையும் போல்ட் வசமேயுள்ளது.

30 வயது போல்ட், காசி பென்னட் என்கிறவரைக் காதலித்துவருகிறார். தன்னுடைய திருமணம் குறித்து ஒரு பேட்டியில் போல்ட் கூறியதாவது: இப்போதைக்கு நான் திருமணம் செய்ய விரும்பவில்லை. ஆனால் நான் சீக்கிரம் திருமணம் செய்துகொள்ளவேண்டும் என்று என் அம்மா விரும்புகிறார். அவரிடம் கொஞ்சம் கால அவகாசம் கேட்டுள்ளேன். பென்னட்டும் திருமணம் குறித்து இதுவரை என்னிடம் பேசியதில்லை என்றார்.