அக்டோபர் - நவம்பர் மாதங்களில் மேற்கிந்தியத் தீவுகள் அணி இந்தியாவுக்குச் சுற்றுப்பயணம் செய்கிறது. 2 டெஸ்டுகள், 5 ஒருநாள் மற்றும் 3 டி20 ஆட்டங்களில் பங்கேற்கவுள்ளது. இதற்கான போட்டி அட்டவணை வெளியிடப்பட்டுள்ளது. இதற்கு முன்னதாக இந்திய அணி ஆசியப் போட்டியில் பங்கேற்கிறது. துபை, அபுதாபி நகரங்களில் நடைபெறவுள்ள இந்தப் போட்டி, செப்டம்பர் 15-ல் தொடங்கி செப்டம்பர் 28 அன்று நிறைவுபெறுகிறது. அதற்குப் பிறகு அடுத்தச் சில நாள்களில் மேற்கிந்தியத் தீவுகளுக்கு எதிரான டெஸ்ட் தொடர் ஆரம்பமாகிறது.
டெஸ்ட் தொடர்
முதல் டெஸ்ட்: அக்டோபர் 4-8 ராஜ்கோட்
2-வது டெஸ்ட்: அக்டோபர் 12-16 ஹைதராபாத்
ஒருநாள் தொடர்
முதல் ஒருநாள் ஆட்டம்: அக்டோபர் 21, குவாஹட்டி
2-வது ஒருநாள் ஆட்டம்: அக்டோபர் 24, இந்தூர்
3-வது ஒருநாள் ஆட்டம்: அக்டோபர் 27, புணே
4-வது ஒருநாள் ஆட்டம்: அக்டோபர் 29, மும்பை
5-வது ஒருநாள் ஆட்டம்: நவம்பர் 1, திருவனந்தபுரம்
டி20 தொடர்
முதல் டி20: நவம்பர் 4, கொல்கத்தா
2-வது டி20: நவம்பர் 6, கான்பூர்/லக்னோ
3-வது டி20: நவம்பர் 11, சென்னை.
இதற்கடுத்து, இந்திய கிரிக்கெட் அணி ஆஸ்திரேலியாவுக்குச் சுற்றுப்பயணம் செய்யவுள்ளது. தொடரின் முதல் போட்டியான டி20 தொடர், நவம்பர் 21-ல் பிரிஸ்பேனில் ஆரம்பமாகவுள்ளது.