ரஞ்சி: தமிழக அணி தோல்வி!

தமிழகத்துக்கு எதிரான ரஞ்சி ஆட்டத்தில் ஹிமாசலப் பிரதேச அணி 9 விக்கெட் வித்தியாசத்தில் வென்றது. 

தரம்சாலாவில் சனிக்கிழமை தொடங்கிய இரு அணிகளுக்கு இடையிலான ஆட்டத்தில் முதலில் ஆடிய தமிழகம் 227 ரன்களை எடுத்தது. பின்னர் ஆடிய ஹிமாசலப் பிரதேச அணி 463 ரன்கள் எடுத்தது. இதனால் அந்த அணி முதல் இன்னிங்ஸில் 236 ரன்கள் முன்னிலை பெற்றது. இதையடுத்து விளையாடிய தமிழ்நாடு, 345 ரன்கள் எடுத்தது. முகுந்த், பாபா இந்திரஜித் சதமடித்தார்கள். 

ஹிமாசலப் பிரதேச அணிக்கு 110 ரன்கள் இலக்கு நிர்ணயிக்கப்பட்டது. இந்த எளிதான இலக்கை 15.3 ஓவர்களில் 111 ரன்கள் எடுத்து வெற்றி பெற்றது. பெயின்ஸ் 38 பந்துகளில் 64 ரன்கள் எடுத்து ஆட்டமிழக்காமல் இருந்தார். இதையடுத்து ஹிமாசலப் பிரதேச அணி 9 விக்கெட் வித்தியாசத்தில் தமிழ்நாடு அணியை வென்று 6 புள்ளிகளைப் பெற்றுள்ளது.