திண்டுக்கல் டிராகன்ஸ் அணிக்கு எதிரான டிஎன்பிஎல் இறுதி ஆட்டத்தில் 12 ரன்கள் வித்தியாசத்தில் வென்று 2-ஆவது முறையாக சாம்பியன் பட்டத்தை கைப்பற்றியது சேப்பாக் சூப்பர் கில்லீஸ்.
தமிழ்நாடு கிரிக்கெட் சங்கம்-சங்கர் சிமெண்ட் சார்பில் டிஎன்பிஎல் லீக் போட்டிகள் ஆண்டுதோறும் நடத்தப்பட்டு வருகின்றன. சென்னை சேப்பாக்கம் மைதானத்தில் வியாழக்கிழமை இரவு நடைபெற்ற இறுதி ஆட்டத்தில் டாஸ் வென்ற சேப்பாக் அணி பேட்டிங்கை தேர்வு செய்தது. 20 ஓவர்களில் 8 விக்கெட் இழப்புக்கு 126 ரன்களை எடுத்தது. அடுத்து ஆடிய திண்டுக்கல் அணி, 20 ஓவர்களில் 9 விக்கெட் இழப்புக்கு 114 ரன்களை மட்டுமே எடுத்து தோல்வியைத் தழுவியது. சேப்பாக் தரப்பில் பெரியசாமி அற்புதமாக பந்துவீசி 5-15 விக்கெட்டுகளை சாய்த்தார். ஆட்டநாயகன், தொடர் நாயகன் விருதுகளையும் அவர் பெற்றார்.
2-வது முறையாக சாம்பியன் பட்டத்தை கைப்பற்றியது சேப்பாக் அணிக்கு ரூ.1 கோடியும், திண்டுக்கல் அணிக்கு ரூ.60 லட்சமும் ரொக்கப் பரிசாக தரப்பட்டன.
இதையடுத்து இந்த டிஎன்பிஎல் போட்டியில் அதிக ரன்கள், அதிக விக்கெட்டுகள் எடுத்த வீரர்கள் மீது கவனம் குவிந்துள்ளது. டிஎன்பிஎல் போட்டியினால் சிலருக்கு ஐபிஎல் வாய்ப்புகள் கிடைத்துள்ளன. அதேபோல இந்தமுறையும் அதிக ரன்கள், அதிக விக்கெட்டுகள் எடுத்த வீரர்களுக்கு ஐபிஎல் போட்டியில் வாய்ப்புகள் கிடைக்கும் என எதிர்பார்க்கப்படுகிறது.
டிஎன்பில் 2019: அதிக ரன்கள்
| பெயர் | ஆட்டங்கள் | ரன்கள் | ஸ்டிரைக் ரேட் | அதிக ரன் | சிக்ஸர்கள் | |
| 1 | ஜெகதீசன் (திண்டுக்கல்) | 10 | 448 | 137.42 | 105* | 14 |
| 2 | முரளி விஜய் (திருச்சி) | 4 | 359 | 148.96 | 101 | 16 |
| 3 | அருண் கார்த்திக் (மதுரை) | 9 | 356 | 148.95 | 106 | 11 |
| 4 | ஹரி நிஷாந்த் (திண்டுக்கல்) | 10 | 322 | 119.70 | 81* | 18 |
| 5 | கோபிநாத் (சேப்பாக்கம்) | 9 | 293 | 149.48 | 82 | 15 |
டிஎன்பில்: அதிக விக்கெட்டுகள்
| பெயர் | ஆட்டங்கள் | விக்கெட்டுகள் | சிறந்த பந்துவீச்சு | |
| 1 | பெரியசாமி (சேப்பாக்கம்) | 9 | 21 | 5/15 |
| 2 | கிரண் ஆகாஷ் (மதுரை) | 9 | 17 | 3/16 |
| 3 | ஹரிஷ் குமார் (சேப்பாக்கம்) | 9 | 16 | 4/13 |
| 4 | சிலம்பரசன் (திண்டுக்கல்) | 10 | 14 | 4/13 |
| 5 | அலெக்ஸாண்டர் (சேப்பாக்கம்) | 9 | 13 | 5/9 |
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.