உலகின் நம்பர்-1 பந்துவீச்சாளர் ஜஸ்ப்ரீத் பும்ரா (25), அதிவேகமாக 50 விக்கெட்டுகளை வீழ்த்திய முதல் இந்திய வேகப்பந்துவீச்சாளர் எனும் சாதனையை வெள்ளிக்கிழமை படைத்தார். மே.இ.தீவுகள் உடனான டெஸ்ட் போட்டியின் போது பும்ரா இந்த புதிய சாதனையைப் படைத்தார்.
வெங்கடேஷ் பிரசாத் மற்றும் முகமது ஷமி ஆகியோர் தலா 13 டெஸ்ட்களில் இச்சாதனையை படைத்திருந்தனர். ஆனால், பும்ரா 11 டெஸ்ட்களில் இந்த மைல்கல்லை எட்டினார். மேலும் அதிவேகமாக 50 விக்கெட்டுகள் வீழ்த்திய இந்திய பந்துவீச்சாளர்கள் பட்டியலில் நரேந்திர ஹிர்வானி மற்றும் ஹர்பஜன் சிங் ஆகியோருடன் 3-ஆம் இடத்தை பகிர்ந்துகொண்டார்.
அதிவேகமாக 50 விக்கெட்டுகள் வீழ்த்திய இந்திய பந்துவீச்சாளர்கள் பட்டியலில் 9 டெஸ்ட்களுடன் அஸ்வின் முதலிடத்திலும், 10 டெஸ்ட் போட்டிகளுடன் அனில் கும்ப்ளே 2-ஆம் இடத்திலும் உள்ளனர்.
இருப்பினும், பந்துகளின் எண்ணிக்கை அடிப்படையில் இதில் அஸ்வின் சாதனையை பும்ரா முறியடித்துள்ளார். 50 விக்கெட்டுகளை வீழ்த்த அஸ்வினுக்கு 2,597 பந்துகள் தேவைப்பட்ட நிலையில், பும்ராவுக்கு 2,465 பந்துகள் மட்டுமே தேவைப்பட்டது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.