இந்தியாவுக்கு எதிரான டி20 தொடர்: நியூஸிலாந்து அணி அறிவிப்பு

இந்தியாவுக்கு எதிராக நியூஸிலாந்து அணி 3 ஆட்டங்கள் கொண்ட டி20 தொடரில் விளையாடவுள்ளது. இதற்கான நியூஸிலாந்து அணி அறிவிக்கப்பட்டுள்ளது.

ஆல்ரவுண்டர் டேரில் மிட்செல், வேகப்பந்துவீச்சாளர் பிளைர் டிக்னர் ஆகிய இரு புதுமுகங்கள் அணியில் சேர்க்கப்பட்டுள்ளார்கள். டிக்னர் 3-வது டி20-க்கு மட்டும் ஃபெர்குசனுக்குப் பதிலாகச் சேர்க்கப்பட்டுள்ளார். இலங்கைக்கு எதிராக விளையாடிய நியூஸி. டி20 அணியிலிருந்து ஜேம்ஸ் நீஷம், ஹென்றி நிகோல்ஸ், கிளென் பிளிப்ஸ், சேத் ரேன்ஸ் ஆகியோர் நீக்கப்பட்டுள்ளார்கள். டிரெண்ட் போல்டுக்கு ஓய்வளிக்கப்பட்டுள்ளது. 

பிப்ரவரி 6 முதல் 10 வரை டி20 தொடர் நடைபெறவுள்ளது.

நியூஸிலாந்து அணி: கேன் வில்லியம்சன், டொக் பிரேஸ்வெல், காலின் டி கிராண்ட்ஹோம், ஃபெர்குசன், மார்டின் கப்தில், ஸ்காட், டேரில் மிட்செல், காலின் மன்ரோ, மிட்செல் சாண்ட்னர், டிம் செய்ஃபெர்ட் (விக்கெட் கீப்பர்), இஷ் சோதி, டிம் செளதி, ராஸ் டெய்லர், பிளைர் டிக்னர்.