அமெரிக்காவின் இந்தியன்வெல்ஸ் ஏடிபி டென்னிஸ் போட்டியில் இந்தியாவின் பிரஜ்னேஷ் குணேஸ்வரன் மூன்றாவது சுற்றில் தோல்வியடைந்து வெளியேறியுள்ளார்.
2-வது சுற்றில், உலகின் 18-ஆம் நிலை வீரர் நிக்கோலஸ் பஸிலாஷ்வில்லியை வீழ்த்தி 29 வயது பிரஜ்னேஷ் குணேஸ்வரன் தனது வாழ்க்கையில் பெரிய வெற்றியை பெற்றார். இதனால் மூன்றாவது சுற்று ஆட்டம் அனைவராலும் கவனிக்கப்பட்டது. எனினும், குரோஸியாவைச் சேர்ந்த 40 வயது இவோ கர்லோவிக் 6-3, 7-6(3) என்ற நேர் செட்களில் பிரஜ்னேஷை வீழ்த்தி அடுத்தச் சுற்றுக்கு முன்னேறினார். இந்த ஆட்டம் 1 மணி நேரம் 13 நிமிடங்கள் நடைபெற்றது.
எனினும் இரு அசத்தலான வெற்றிகளால் பிரஜ்னேஷுக்கு இந்தப் போட்டி மறக்கமுடியாததாக அமைந்துள்ளது.