இந்திய செஸ் வீரா்களுக்கு முன்னாள் உலக சாம்பியன் விளாடிமீா் கிராம்னிக் வரும் டிசம்பா் மாதம் ஸ்பெயினில் சிறப்பு பயிற்சி அளிக்க உள்ளாா்.
ஏற்கெனவே இந்திய கிராண்ட் மாஸ்டா்கள் பிரக்ஞானந்தா, டி.குகேஷ், ரவ்னக் சத்வானி, பி.இனியன், பிரீது குப்தா, சா்வதேச மாஸ்டா் லியோன் மென்டோன்கா உள்ளிட்ட 6 பேருக்கு ஜெனிவாவில் முதன்முறையாக பயிற்சி அளித்தாா் கிராம்னிக். விபத்தில் காயமடைந்த கிராண்ட் மாஸ்டா் அா்ஜுன் எரிகாசியும், ஸ்பெயின் முகாமில் கலந்து கொள்கிறாா்.
மைக்ரோசென்ஸ் நிறுவனம் சாா்பில் பல்வேறு போட்டிகளில் சாம்பியன் பட்டம் வென்றவா்களுக்கு பாராட்டு விழா சென்னையில் வியாழக்கிழமை நடைபெற்றது.
அதன் மேலாண் இயக்குநா் கைலாசநாதன் கூறுகையில்: அடுத்த ஆண்டு தொடக்கத்தில் சென்னையிலும் இதே போன்ற சிறப்பு முகாம் நடத்தப்பட உள்ளது. இதிலும் கிராம்னிக், விஸ்வநாதன் ஆனந்த் மற்றும் சில முன்னணி வீரா்கள் பங்கேற்று இந்திய வீரா்களுக்கு பயிற்சி அளிப்பா் என்றாா்.
விளாடிமீா் கிராம்னிக்கிடம் பெற்ற பயிற்சி மிகவும் உதவியாக இருந்தது. 18 வயதுக்குட்பட்டோா் உலகப் போட்டியை வெல்லவும் உதவியது என பிரக்ஞானந்தா உள்ளிட்டோா் தெரிவித்தனா்.