சுழற்பந்து வீச்சுக்கு சாதகமான பிட்சிலும் வேகப்பந்துவீச்சில் சாதித்தோம்

சுழற்பந்து வீச்சுக்கு சாதகமான பிட்சிலும் நமது வேகப்பந்துவீச்சாளா்கள் சாதித்தனா் என இந்திய கேப்டன் விராட் கோலி பாராட்டியுள்ளாா்.

விசாகப்பட்டினத்தில் நடைபெற்ற முதல் டெஸ்ட் ஆட்டத்தில் தென்னாப்பிரிக்காவை 203 ரன்கள் வித்தியாசத்தில் வென்றது இந்தியா.

இதுதொடா்பாக கோலி கூறியதாவது:

விசாகப்பட்டினம் மைதான பிட்ச் மெதுவான சுழற்பந்து வீச்சுக்கு ஏற்றதாகும். ஆனால் இந்திய வேகப்பந்து வீச்சாளா்கள் இதில் சிறப்பாக பந்துவீசி விக்கெட்டுகளை சாய்த்துள்ளனா். சுழற்பந்து வீச்சாளா்கள் மட்டுமே சாதிப்பாா்கள் என அவா்கள் கருதினால், இந்த சிறப்பை பெற்றிருக்க முடியாது. குறுகிய ஓவா்கள் வீச வேண்டும். இதனால் 100 சதவீதம் சிறப்பாக பந்துவீசுவோம் எனத் தெரிவித்தனா். முதல் இன்னிங்ஸில் இஷாந்த் மட்டுமே விக்கெட் எடுத்தாா். ஆனால் இரண்டாவது இன்னிங்ஸில் ஷமி 5 விக்கெட்டுகளை சாய்த்தாா்.

அஸ்வின்-ஜடேஜா இணையும் தங்கள் பணியை செம்மையாக செய்தனா்.

பேட்டிங்கில் ரோஹித் சா்மா, மயங்க் அகா்வால் இருவரும் அற்புதமான ஆட்டத்தை வெளிப்படுத்தினா். எதிரணியினா் சவாலை தந்தாலும், நமது வீரா்கள் தங்கள் திறமைக்கு ஏற்ப ஆடினா் என்றாா் கோலி.

டூபிளெஸ்ஸிஸ் (தென்னாப்பிரிக்க கேப்டன்): இந்திய அணியின் மயங்க், ரோஹித் இருவரும் பேட்டிங்கில் சிறப்பாக செயல்பட்டனா். எங்கள் அணி முதல் இன்னிங்ஸில் சிறப்பாக பேட்டிங் செய்தது. இந்தியாவின் இரண்டாவது இன்னிங்ஸும் ரோஹித், புஜாராவால் சிறப்பாக அமைந்து விட்டது. எங்கள் வாய்ப்பை அவா்கள் பறித்து விட்டனா். ஞாயிற்றுக்கிழமை காலை வரை பிட்ச் எங்களுக்கு ஒத்துழைக்கும் என நம்பினோம். ஆனால் நிலைமை தலைகீழாக மாறி விட்டது. ஷமி மிகவும் அழகாக பந்துவீசினாா். விக்கெட்டுகள் துரிதமாக வீழ்ந்ததால் எங்களுக்கு தோல்வி ஏற்பட்டது.