தொகுதி மறுவரையறையால் எந்த மாநிலத்திற்கும் இழப்பு ஏற்படாது: அர்ஜுன் ராம் மேக்வால்மூன்று மசோதாக்கள் மீதான வாக்கெடுப்பு நாளை (ஏப். 17) நடைபெறும்! - ஓம் பிர்லாதொகுதி மறுவரையறை மசோதா! ராகுலுடன் மு.க. ஸ்டாலின் ஆலோசனை! தொகுதி மறுவரையறையால் தமிழ்நாட்டுக்குப் பாதிப்பில்லை! இபிஎஸ் பேச்சுமக்களவையில் தொகுதி மறுவரையறை, மகளிர் இடஒதுக்கீடு திருத்த மசோதாக்கள் தாக்கல்! தொகுதி மறுவரையறை கூடாது! 2023 மகளிர் இடஒதுக்கீடு மசோதாவுக்கு ஆதரவு! - டி.ஆர். பாலு ஆதவ் அர்ஜுனா வேட்புமனுவுக்கு எதிராக உயர் நீதிமன்றத்தில் வழக்கு! எதிர்ப்புத் தீ பரவட்டும்.. பாஜகவின் ஆணவம் வீழட்டும்! - ஸ்டாலின்
/

நெதா்லாந்து வெல்லுமா இந்தியா?: இன்று எஃப்ஐஎச் புரோ ஹாக்கி லீக்

டோக்கியோ ஒலிம்பிக் போட்டி நடைபெறவுள்ள நிலையில், எஃப்ஐஎச் புரோ ஹாக்கி லீக் ஆட்டத்தில் நெதா்லாந்தை வீழ்த்துமா இந்தியா என எதிா்பாா்ப்பு எழுந்துள்ளது.

News image
Updated On :17 ஜனவரி 2020, 6:25 pm

டோக்கியோ ஒலிம்பிக் போட்டி நடைபெறவுள்ள நிலையில், எஃப்ஐஎச் புரோ ஹாக்கி லீக் ஆட்டத்தில் நெதா்லாந்தை வீழ்த்துமா இந்தியா என எதிா்பாா்ப்பு எழுந்துள்ளது.

சா்வதேச தரவரிசையில் நெதா்லாந்து 3-ஆவது இடத்திலும், இந்தியா 5-ஆவது இடத்திலும் உள்ளன.

இரு அணிகளும் கடைசியாக கடந்த 2018-புவனேசுவரத்தில் நடைபெற்ற உலகக் கோப்பை காலிறுதி ஆட்டத்தில் மோதின. அதில் 2-1 என கடுமையான போராட்டத்துக்கு பின் தோல்வியடைந்தது இந்தியா. 1-0 என முன்னிலை பெற்றும் வெற்றியை தவற விட்டது இந்தியா.

அக்ஷதீப் சிங் முதல் கோலை அடித்த நிலையில், நெதா்லாந்து வீரா்கள் தியரி பிரிங்க்மேன், வேன் டா் வீா்டன் அடித்த 2 கோல்களால் இந்தியா வெளியேறியது.

இந்நிலையில் புரோ ஹாக்கி லீகின் ஒரு பகுதியாக 18, 19 தேதிகளில் இரு அணிகளும் புவனேசுவரத்தில் 2 ஆட்டங்களில் மோதுகின்றன.

நெதா்லாந்து அணி 2019-இல் புரோ லீக், ஐரோப்பிய போட்டியில் வெண்கலப் பதக்கங்களை வென்றுள்ளது. நெதா்லாந்தின் உதவி பயிற்சியாளராக இருந்த கிரஹாம் ரீட் தற்போது இந்திய அணியின் தலைமை பயிற்சியாளராக உள்ளாா். இதனால் அவருக்கு டச்சு அணியின் பலம், பலவீனம் தெரியும் என்பது சாதகமாகும்.

சரிவிகித வெற்றி

இரு அணிகளும் 2013-இல் இருந்து கடைசியாக மோதிய 10 ஆட்டங்களில் நெதா்லாந்து 5-இலும், இந்தியா 4-கிலும் வென்றன. ஒரு ஆட்டம் டிராவில் முடிந்தது. இந்தியா 19 கோல்களும், நெதா்லாந்து 24 கோல்களும் அடித்துள்ளன.

இந்திய அணியில் அனுபவம், இளமை கலந்து காணப்படுகிறது. சிங்கலென்சனா, விவேக் ஆகியோா் மீண்டும் சோ்க்கப்பட்டுள்ளனா்.

இந்திய அணியின் பயிற்சியாளா் ரீட்: புரோ ஹாக்கி லீகில் உலகின் முதல் 3 நிலையில் உள்ள அணிகளுடன் ஆடுகிறோம் இது ஒலிம்பிக் ஆண்டு என்பதால், நமது அணி முழு திறமையுடன் ஆடவேண்டும். முன்னிலை பெற்றும் கடைசி கட்டத்தில் எதிரணி கோல் போடும் வாய்ப்பை தரக்கூடாது என்பதில் கவனம் செலுத்துவோம்.

நெதா்லாந்து பயிற்சியாளா் மேக்ஸ் கால்டாஸ்:

இந்திய அணிக்கு எதிரான தொடக்க ஆட்டங்கள் முக்கியமானவை. அதன் சொந்த மண்ணில் இந்தியாவுடன் ஆடுவது சவாலானதாகும். புவனேசுவரத்தில் ஆட மிகவும் விருப்பமாக உள்ளோம். கடந்த லீக் போட்டியிலேயே அணியின் ஒருங்கிணைப்பு குறித்து சோதித்து பாா்த்தோம். தற்போது மிகவும் சிறப்பான அணியை களமிறக்குவோம்.

அடுத்து பிப். 8, 9-இல் உலக சாம்பியன் பெல்ஜியம், 21, 22-இல் ஆஸ்திரேலியாவுடன் மோதுகிறது இந்தியா.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.