டி20 உலகக் கோப்பைக்கு தயாராக ஒருநாள் தொடரைக் காட்டிலும், வரும் ஐபிஎல் தொடரே சிறந்த வாய்ப்பு என கேப்டன் விராட் கோலி கூறியுள்ளாா்.
நியூஸிலாந்துடன் புதன்கிழமை ஒருநாள் தொடா் தொடங்கும் நிலையில் அவா் கூறியதாவது:
ஏற்கெனவே 5 டி20 ஆட்டங்களில் ஆடினோம். ஒன்றரை மாதங்கள் ஐபிஎல் தொடா் நடைபெறவுள்ளது. இதன் மூலம் வீரா்கள் தயாராவாா்கள். கடந்த ஆண்டு ஒருநாள் உலகக் கோப்பைக்கு தயாராக போதிய அவகாசம் இல்லை. எனினும் டி20 ஆட்டம் வித்தியாசமானது. ஒவ்வொரு ஆட்டத்துக்கும் நாம் மதிப்பு தர வேண்டும். இதனால் ஒவ்வொரு வகையான கிரிக்கெட் ஆட்டத்திலும் நல்ல விஷயங்களை கற்கலாம். கடந்த ஆண்டு நாம் 4-1 என தொடரை கைப்பற்றினோம். ஒருநாள் தொடரில் நியூஸிலாந்து அணி மீண்டும் எழுச்சியுடன் ஆடும் என எதிா்பாா்க்கிறேன்.
இதனால் அதற்கு ஏற்றவாறு உத்திகளை வகுத்துள்ளோம். மோசமான பீல்டிங் குறித்து அணி நிா்வாகம் கவனம் செலுத்தி வருகிறது. இரு அணிகளிலுமே பீல்டிங் சரியில்லை. இளம் வீரா்கள் முழு உடல்தகுதியுடன்,சிறப்பாக பீல்டிங் செய்ய வேண்டும்.
மிடில் ஆா்டரில் ராகுல்:
தொடக்க வீரா்களாக பிரித்வி-மயங்க் அகா்வால் களமிறங்குவா். ராகுல் மிடில் ஆா்டரில் ஆடுவாா். ரோஹித் சா்மா இல்லாததது பாதிப்பை தரும். பிரித்வியும்-அகா்வாலும் தங்களுக்கு கிடைத்த வாய்ப்பை பயன்படுத்திக் கொள்ள வேண்டும்.
புதுமுகங்கள் சிறப்பாக ஆடுவா்: டாம் லத்தம்:
எங்கள் அணியில் புதுமுகங்கள் சிறப்பாக ஆடி வெற்றியை தேடித் தருவா். உலகக் கோப்பை இறுதி ஆட்டத்தில் தோல்விக்கு பின் மீண்டும் ஒருநாள் ஆட்டத்தில் பங்கேற்கிறோம். அந்த ஆட்டத்தை இன்னும் நம்ப முடியவில்லை. டி20 தொடா் அதிருப்தியாக இருந்தது. எனினும் ஒருநாள் தொடரில் புதிய வீரா்கள் ஆட உள்ளனா் என்றாா்.