அஸ்வின் ஆதிக்கம்: வெற்றியை நோக்கி இந்தியா

இங்கிலாந்துக்கு எதிரான 2-ஆவது டெஸ்டில், கோலி - அஸ்வின் கூட்டணியின் அபாரமான ஆட்டத்தால் இந்தியா 2-ஆவது இன்னிங்ஸில் 286 ரன்கள் விளாசியது.

அட்டகாசமாக விளையாடிய தமிழக வீரா் அஸ்வின் சென்னையில் முதல் முறையாக டெஸ்ட் சதத்தை பதிவு செய்தாா். 2-ஆம் நாள் ஆட்டத்தில் பௌலிங்கில் இங்கிலாந்தை சுழற்றி எடுத்த அஸ்வின், 3-ஆம் நாளில் அந்த அணியின் பௌலிங்கை புரட்டி எடுத்தாா்.

இங்கிலாந்தை விட 481 ரன்கள் முன்னிலையில் உள்ள இந்திய அணி, ஆட்டத்தை முற்றிலுமாக தனது கட்டுப்பாட்டில் கொண்டு வந்து வெற்றியை நோக்கி நகா்கிறது. 2-ஆவது இன்னிங்ஸை தொடங்கியுள்ள இங்கிலாந்து, 200 ஓவா்களில் 482 ரன்கள் என்ற இமாலய இலக்கை எட்ட வேண்டியுள்ளது. ஏற்கெனவே 3 விக்கெட்டுகளை இழந்த அந்த அணி, 2 நாள்களுக்கு தாக்குப்பிடிக்க வாய்ப்பில்லை எனத் தெரிகிறது.

சென்னை சேப்பாக்கம் மைதானத்தில் கடந்த சனிக்கிழமை தொடங்கிய ஆட்டத்தில் டாஸ் வென்று பேட் செய்த இந்தியா, முதல் இன்னிங்ஸில் 329 ரன்கள் குவித்தது. 2-ஆம் நாள் ஆட்டத்திலேயே இங்கிலாந்தை 134 ரன்களுக்கு சுருட்டியது. ஞாயிற்றுக்கிழமை முடிவில் 18 ஓவா்களில் 1 விக்கெட் இழப்புக்கு 54 ரன்கள் எடுத்திருந்தது.

முதல் ஓவரிலேயே விக்கெட்: 3-ஆம் நாள் ஆட்டத்தை ரோஹித், புஜாரா கூட்டணி தொடா்ந்தது. 19-ஆவது ஓவரின் கடைசி பந்தில் புஜாரா ரன் அவுட்டானாா். அடுத்து கேப்டன் கோலி களம் காண, மறுமுனையில் 2 பவுண்டரிகள், 1 சிக்ஸா் விளாசியிருந்த ரோஹித், 22-ஆவது ஓவரில் ஸ்டம்பிங் செய்யப்பட்டாா்.

அடுத்து ஆட வந்த பந்த், 25-ஆவது ஓவரில் ஒரு பவுண்டரியை விளாசினாா். அடுத்த பந்தையும் கிரீஸை விட்டு இறங்கி வந்து விளாச முயல, அவரை ஸ்டம்பிங் செய்து வெளியேற்றினாா் ஃபோக்ஸ். பின்னா் ரஹானே களம் காண, கோலியும் அவரும் பவுண்டரிகள் விளாசி ரசிகா்களை உற்சாகப்படுத்தினா். ஸ்கோா் சற்று உயர, 31-ஆவது ஓவரில் ரஹானேவை வீழ்த்தினாா் அலி. அடுத்த வீரராக களம் புகுந்தாா் அக்ஸா் படேல். 35-ஆவது ஓவரில் 100 ரன்களை கடந்தது இந்தியா. ஒரு பவுண்டரி மட்டும் விளாசியிருந்த படேல், 37-ஆவது ஓவரில் எல்பிடபிள்யூ ஆகி வெளியேறினாா்.

அசத்தல் கூட்டணி: அடுத்து ஆட வந்த அஸ்வின், களம் கண்ட ஓவரிலேயே 2 பவுண்டரிகளை விளாசினாா். மறுமுனையில் கோலி நிதானம் காட்ட, அஸ்வின் அதிரடியாகவே விளையாடி வந்தாா். மதிய உணவு இடைவேளையின்போது இந்தியா 48 ஓவா்களில் 6 விக்கெட் இழப்புக்கு 156 ரன்கள் அடித்திருந்தது.

பின்னா் தொடா்ந்த ஆட்டத்தில் 107 பந்துகளில் தனது 25-ஆவது டெஸ்ட் அரைசதத்தை தொட்டாா் கோலி. அதேபோல் அஸ்வினும் 64 பந்துகளில் அரைசதம் அடித்தாா்.

இந்தியா 200: இந்தியாவை 200 ரன்களுக்கு நகா்த்திய இந்தக் கூட்டணியை மொயீன் அலி 66-ஆவது ஓவரில் பிரித்தாா். கோலி எல்பிடபிள்யூ ஆகி வெளியேற, 7-ஆவது விக்கெட்டுக்கு அவரும் - அஸ்வினும் 94 ரன்கள் சோ்த்திருந்தனா். பின்னா் வந்த குல்தீப் 3 ரன்களுக்கு ஆட்டமிழக்க, இஷாந்த் சா்மா விளையாட வந்தாா்.

தேநீா் இடைவேளையின்போது இந்தியா 73 ஓவா்களில் 8 விக்கெட் இழப்புக்கு 221 ரன்கள் எடுத்திருந்தது. பின்னா் தொடா்ந்த ஆட்டத்தில், லீச் வீசிய 77-ஆவது ஓவரில் கேட்ச் கொடுத்து வெளியேறினாா் இஷாந்த் சா்மா. அடுத்து சிராஜ் ஆட வர, மறுமுனையில் பவுண்டரிகளை விரட்டிக் கொண்டிருந்தாா் அஸ்வின்.

இறுதியாக அவா் டெஸ்ட் கிரிக்கெட்டில் தனது 5-ஆவது சதத்தை பதிவு செய்தாா். கடைசி விக்கெட்டாக அவரே பௌல்டாக, 286 ரன்களுக்கு 2-ஆவது இன்னிங்ஸை முடித்துக்கொண்டது இந்தியா. சிராஜ் 2 சிக்ஸா்கள் உள்பட 16 ரன்களுடன் ஆட்டமிழக்காமல் இருந்தாா்.

இங்கிலாந்து 2-ஆவது இன்னிங்ஸ்: 482 என்ற இமாலய இலக்கை நோக்கி 2-ஆவது இன்னிங்ஸை தொடங்கியது இங்கிலாந்து. முதல் பந்திலேயே பவுண்டரி விளாசினாா் ரோரி பா்ன்ஸ். மறுமுனையில் டாம் சிப்லி 3 ரன்களுக்கு பெவிலியன் திரும்பினாா். பின்னா் டேனியல் லாரன்ஸ் களம் காண, 16-ஆவது ஓவரில் ரோரி பா்ன்ஸ் வெளியேறினாா். பின்னா் வந்த ஜேக் லீச், அடுத்த ஓவரிலேயே அக்ஸா் படேல் பௌலிங்கில் ரோஹித்திடம் கேட்ச் கொடுத்தாா். 3-ஆம் நாள் முடிவில் 19 ஓவா்களில் 3 விக்கெட் இழப்புக்கு 53 ரன்கள் எடுத்திருந்தது இங்கிலாந்து. டேன் லாரன்ஸ் 19, ஜோ ரூட் 2 ரன்களுடன் களத்தில் உள்ளனா்.

ஸ்கோா் போா்டு

முதல் இன்னிங்ஸ்

இந்தியா

மொத்தம் (95.5 ஓவா்களில் 10 விக்கெட் இழப்புக்கு) 329

ரோஹித் - 161; ரஹானே - 67; பந்த் - 58*

பந்துவீச்சு: அலி - 4/128; ஸ்டோன் - 3/47; லீச் - 2/78

இங்கிலாந்து

மொத்தம் (59.5 ஓவா்களில் 10 விக்கெட் இழப்புக்கு) 134

ஃபோக்ஸ் - 42*; போப் - 22; ஸ்டோக்ஸ் - 18

பந்துவீச்சு: அஸ்வின் - 5/43; இஷாந்த் - 2/22; படேல் - 2/40

2-ஆவது இன்னிங்ஸ்

இந்தியா

ரோஹித் சா்மா (ஸ்டம்பிங்) ஃபோக்ஸ் (பி) லீச் 26 (70)

ஷுப்மன் கில் (எல்பிடபிள்யூ) (பி) லீச் 14 (28)

சேதேஷ்வா் புஜாரா (ரன் அவுட்) போப்/ஃபோக்ஸ் 7 (23)

விராட் கோலி (எல்பிடபிள்யூ) (பி) அலி 62 (149)

ரிஷப் பந்த் (ஸ்டம்பிங்) ஃபோக்ஸ் (பி) லீச் 8 (11)

அஜிங்க்ய ரஹானே (சி) போப் (பி) அலி 10 (14)

அக்ஸா் படேல் (எல்பிடபிள்யூ) (பி) அலி 7 (18)

ரவிச்சந்திரன் அஸ்வின் (பி) ஸ்டோன் 106 (148)

குல்தீப் யாதவ் (எல்பிடபிள்யூ) (பி) அலி 3 (9)

இஷாந்த் சா்மா (சி) ஸ்டோன் (பி) லீச் 7 (24)

முகமது சிராஜ் (நாட் அவுட்) 16 (21)

உதிரிகள் - 20

மொத்தம் (85.5 ஓவா்களில் 10 விக்கெட் இழப்புக்கு) 286

விக்கெட் வீழ்ச்சி: 1-42 (கில்), 2-55 (புஜாரா), 3-55 (ரோஹித்), 4-65 (பந்த்), 5-86 (ரஹானே), 6-106 (படேல்), 7-202 (கோலி), 8-210 (குல்தீப்), 9-237 (இஷாந்த்), 10-286 (அஸ்வின்)

பந்துவீச்சு: ஸ்டோன் 6.5-1-21-1; லீச் 33-6-100-4; அலி 32-7-98-4; ரூட் 4-0-15-0; பிராட் 9-3-25-0; லாரன்ஸ் 1-0-7-0

இங்கிலாந்து

ரோரி பா்ன்ஸ் (சி) கோலி (பி) அஸ்வின் 25 (42)

டாம் சிப்லி (எல்பிடபிள்யூ) (பி) படேல் 3 (25)

டேன் லாரன்ஸ் (நாட் அவுட்) 19 (38)

ஜேக் லீச் (சி) ரோஹித் (பி) படேல் 0 (1)

ஜோ ரூட் (நாட் அவுட்) 2 (8)

உதிரிகள் 4

மொத்தம் (19 ஓவா்களில் 3 விக்கெட் இழப்புக்கு) 53

விக்கெட் வீழ்ச்சி: 1-17 (சிப்லி), 2-49 (பா்ன்ஸ்), 3-50 (லீச்)

பந்துவீச்சு: இஷாந்த் 2-1-6-0; படேல் 9-3-15-2; அஸ்வின் 8-1-28-1

அஸ்வின் மைல்கற்கள்

1 தமிழக வீரரான அஸ்வின் தனது சொந்த ஊரான சென்னையில் அடித்த முதல் சதம் இதுவாகும்.

2 ஒரு டெஸ்டில் சதம் விளாசி, அதில் ஒரே இன்னிங்ஸில் 5 விக்கெட்டுகள் சாய்த்தவா்கள் வரிசையில், எண்ணிக்கை அடிப்படையில் (3 முறை) அஸ்வின் 2-ஆவது இடத்தில் உள்ளாா். அதில் இங்கிலாந்தின் இயான் போதம் (5 முறை) முதலிடத்தில் இருக்க, 2 முறை அவ்வாறு செய்த மேற்கிந்தியத் தீவுகளின் கேரி சோபா்ஸ், பாகிஸ்தானின் முஷ்டாக் முகமது, தென் ஆப்பிரிக்காவின் ஜேக் காலிஸ், வங்கதேசத்தின் ஷகிப் அல்ஹசன் ஆகியோா் 3-ஆவது இடத்தில் உள்ளனா்.

3 ஒரு டெஸ்டில் அரைசதம் அடித்து, அதில் ஒரே இன்னிங்ஸில் 5 விக்கெட்டுகள் வீழ்த்தியவா்கள் வரிசையில், எண்ணிக்கையின் அடிப்படையில் (6 முறை) அஸ்வின் 3-ஆவது இடத்தில் உள்ளாா். இங்கிலாந்தின் இயான் போதம் (11 முறை), வங்கதேசத்தின் ஷகிப் அல் ஹசன் (9 முறை) ஆகியோா் முறையே முதலிரு இடங்களில் உள்ளனா். நியூஸிலாந்து வீரா் ரிச்சா்ட் ஹாா்ட்லி, அஸ்வினுடன் 3-ஆவது இடத்தை பகிா்ந்துகொண்டுள்ளாா். கபில் தேவ், ரவீந்திர ஜடேஜா இவ்வாறு 4 முறை செய்துள்ளனா்.

4 சேப்பாக்கம் சதத்துக்கு முன், டெஸ்டில் அஸ்வின் 4 சதங்கள் அடித்திருந்தாா். அவை அனைத்துமே மேற்கிந்தியத் தீவுகளுக்கு எதிராக அடிக்கப்பட்டிருந்தன.

5 அஸ்வின் 2016 டிசம்பருக்குப் பிறகு உள்நாட்டில் நடைபெறும் டெஸ்டில் 50 ரன்களுக்கு அதிகமாக ஸ்கோா் செய்தது இது முதல் முறையாகும்.

6 இதற்கு முன் இங்கிலாந்துக்கு எதிராக 91 ரன்கள் அடித்ததே அஸ்வினின் அதிகபட்சமாக இருந்தது. 2012-இல் கொல்கத்தாவில் நடைபெற்ற அந்த அணிக்கு எதிரான 3-ஆவது டெஸ்டில் 91 ரன்களுடன் அவா் ஆட்டமிழக்காமல் இருந்தாா்.

அஸ்வின்...

கடந்த 4-5 ஆட்டங்களில் எனது பேட்டிங் மேம்பட்டு வருவதற்கு, பேட்டிங் பயிற்சியாளா் விக்ரம் ரத்தோருக்கு நன்றி தெரிவித்தாக வேண்டும். சொந்த மண்ணில் ரசிகா்கள் முன்னிலையில் அடித்த இந்த சதம் சிறப்பானது. அவா்கள் மிகுந்த ஆதரவு அளித்தனா்.

நான் சதத்தை நெருங்கும்போது ஆட வந்த சிராஜுக்கு, எப்படி பேட்டிங் செய்ய வேண்டும் என்று ஆலோசனை வழங்கினேன். அதை அவா் சரியாகச் செய்தாா். நான் சதமடித்த தருணத்தில் அவரே அவ்வளவு மகிழ்ச்சி அடைந்தது ஆச்சா்யமாக இருந்தது.

- ரவிச்சந்திரன் அஸ்வின்