பெண் குழந்தைக்குத் தந்தையானார் வேகப்பந்து வீச்சாளர் உமேஷ் யாதவ்

இந்திய வேகப்பந்து வீச்சாளர் உமேஷ் யாதவ், பெண் குழந்தைக்குத் தந்தையாகியுள்ளார். 

ஆஸ்திரேலியாவுக்குச் சுற்றுப்பயணம் மேற்கொண்டுள்ள இந்திய அணி, டெஸ்ட், ஒருநாள், டி20 தொடா்களில் விளையாடுகிறது.

ஒருநாள் தொடரில் 1-2 எனத் தோற்றது இந்திய அணி. எனினும் டி20 தொடரை 2-1 என வென்றது. 

இந்தியாவுக்கு எதிரான முதல் டெஸ்ட் கிரிக்கெட் ஆட்டத்தில் 8 விக்கெட் வித்தியாசத்தில் அபார வெற்றி கண்டது ஆஸ்திரேலியா. மெல்போர்னில் நடைபெற்ற 2-வது டெஸ்டில் இந்திய அணி 8 விக்கெட் வித்தியாசத்தில் வென்று தொடரை 1-1 என சமன் செய்துள்ளது. 3-வது டெஸ்ட் சிட்னியில் ஜனவரி 7-ல் மற்றும் 4-வது டெஸ்ட் பிரிஸ்பேனில் ஜனவரி 15-ல் தொடங்குகின்றன.

மெல்போா்ன் டெஸ்டின்போது காயமடைந்த இந்திய வேகப்பந்துவீச்சாளா் உமேஷ் யாதவ் டெஸ்ட் தொடரிலிருந்து விடுவிக்கப்பட்டு நாடு திரும்புகிறாா். பெங்களூரில் உள்ள தேசிய கிரிக்கெட் அகாதெமியில் சிகிச்சை மற்றும் உடற்தகுதியை மேம்படுத்தும் நடவடிக்கைகளில் ஈடுபடவுள்ளார்.

2013 மே 29 அன்று தனது காதலி தன்யாவைத் திருமணம் செய்தார் உமேஷ் யாதவ். இந்நிலையில் தற்போது பெண் குழந்தைக்குத் தந்தையாகியுள்ளார். இத்தகவலை உமேஷ், தன்யா ஆகிய இருவரும் இன்ஸ்டகிராமில் தெரிவித்துள்ளார்கள்.