இலங்கைக்கு எதிரான 2-வது டெஸ்டில் மேற்கிந்தியத் தீவுகள் அணி 7 விக்கெட் இழப்புக்கு 287 ரன்கள் எடுத்துள்ளது.
இரு அணிகளுக்கு இடையிலான முதல் டெஸ்ட் டிராவில் முடிந்த நிலையில் 2-வது டெஸ்ட், நார்த் சவுண்டில் நடைபெற்று வருகிறது. டாஸ் வென்ற இலங்கை அணி பந்துவீச்சைத் தேர்வு செய்தது. 185 ரன்களுக்கு முதல் 6 விக்கெட்டுகளை இழந்து தடுமாறியது மே.இ. தீவுகள் அணி. லக்மல் அபாரமாகப் பந்துவீசி 3 விக்கெட்டுகளை வீழ்த்தினார். கேப்டனும் தொடக்க வீரருமான பிராத்வெயிட்டும் கார்ன்வாலும் 8-வது விக்கெட்டுக்கு ஜோடி சேர்ந்து முதல் நாளின் கடைசிப் பகுதியில் சிறப்பாக விளையாடினார்கள். கார்ன்வால் விரைவாக ரன்கள் சேர்த்தார். அவர் 54 பந்துகளில் 1 சிக்ஸர், 6 பவுண்டரிகளுடன் 43 ரன்கள் எடுத்து ஆட்டமிழக்காமல் உள்ளார்.
முதல் நாள் முடிவில் மேற்கிந்தியத் தீவுகள் அணி 86 ஓவர்களில் 7 விக்கெட் இழப்புக்கு 287 ரன்கள் எடுத்துள்ளது. நிதானமாக ரன்கள் சேர்த்த பிராத்வெயிட் 99 ரன்களுடன் ஆட்டமிழக்காமல் உள்ளார். இன்று மே.இ. தீவுகள் அணி எப்படியும் 350 ரன்கள் எடுக்கும் என எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.