ஐசிசி ஒருநாள் கிரிக்கெட் தரவரிசையில் இந்திய அணியின் கேப்டன் விராட் கோலி மற்றும் துணை கேப்டன் ரோஹித் சர்மா முறையே 2-வது மற்றும் 3-வது இடத்தில் நீடிக்கின்றனர்.
முதலிடத்தில் பாகிஸ்தான் வீரர் பாபர் அசாம் உள்ளார்.
ஐசிசி தரவரிசையில் முதல் 10 இடங்களில் இரண்டு இந்திய வீரர்கள் மட்டுமே இடம்பெற்றுள்ளனர். இவர்களுக்கு அடுத்தபடியாக ஷிகர் தவான் 18-வது இடத்தில் உள்ளார்.
பந்துவீச்சில் ஜாஸ்பிரீத் பூம்ரா தொடர்ந்து 5-வது இடத்தில் நீடிக்கிறார். பந்துவீச்சு தரவரிசையில் டிரென்ட் போல்ட் முதலிடத்தில் உள்ளார். வங்கதேச சுழற்பந்துவீச்சாளர் மெஹதி ஹாசன் 725 புள்ளிகளுடன் 2-வது இடத்தில் உள்ளார்.
ஆல்-ரௌண்டர்கள் தரவரிசையில் ரவீந்திர ஜடேஜா மட்டுமே முதல் 10 இடங்களில் இடம்பெற்று 9-வது இடத்தில் உள்ளார். இந்த தரவரிசையில் வங்கதேசத்தின் ஷகிப் அல் ஹசன் 396 புள்ளிகளுடன் முதலிடத்திலும், பென் ஸ்டோக்ஸ் 295 புள்ளிகளுடன் 2-வது இடத்திலும் நீடிக்கின்றனர்.