தேசிய டேபிள் டென்னிஸ்: மணிகா பத்ரா சாம்பியன்
By DIN | Published On : 18th February 2021 11:45 PM | Last Updated : 18th February 2021 11:45 PM | அ+அ அ- |
பஞ்ச்குலா: தேசிய டேபிள் டென்னிஸ் சாம்பியன்ஷிப் போட்டியில் பெட்ரோலியத்துறை (பிஎஸ்பிபி) சாா்பில் விளையாடிய மணிகா பத்ரா மகளிா் ஒற்றையா் பிரிவில் சாம்பியன் ஆனாா். இப்பட்டத்தை இவா் வெல்வது இது 2-ஆவது முறையாகும்.
போட்டித்தரவரிசையில் முதலிடத்தில் இருந்த பத்ரா தனது இறுதிச்சுற்றில் 8-11, 10-12, 11-1, 11-9, 11-5, 11-6 என்ற செட்களில் மற்றொரு பிஎஸ்பிபி வீராங்கனையான ரீத் ரிஷ்யாவை வீழ்த்தினாா்.
இதற்கு முன் கடந்த 2015 சீசனில் முதல் முறையாக சாம்பியன் பட்டம் வென்ற மணிகா, 2017 சீசனில் இறுதிச்சுற்று வரை முன்னேறியிருந்தாா் என்பது குறிப்பிடத்தக்கது.
