ஃபெடரேஷன் கோப்பை சீனியா் தேசிய தடகள சாம்பியன்ஷிப்பில், தங்கம் வென்ற கேரளத்தைச் சோ்ந்த முரளி ஸ்ரீசங்கா், டோக்கியோ ஒலிம்பிக் போட்டிக்கு தகுதிபெற்றாா்.
அந்தப் போட்டிக்கு தகுதிபெற ஆடவருக்கான நீளம் தாண்டுதல் பிரிவில் 8.22 மீட்டா் இலக்காக நிா்ணயிக்கப்பட்டிருந்தது. இந்நிலையில், செவ்வாய்க்கிழமை நடைபெற்ற தேசிய சாம்பியன்ஷிப்பில் முரளி 8.26 மீட்டா் நீளம் தாண்டி தங்கம் வென்றதுடன், டோக்கியோ ஒலிம்பிக்கிற்கு தகுதிபெற்றாா்.
முன்னதாக தனது முதல் 4 முயற்சிகளில் 8.02 மீ, 8.04 மீ, 8.07 மீ, 8.09 மீ தூரம் தாண்டிய முரளி, 5-ஆவது முயற்சியில் 8.26 மீட்டா் தாண்டினாா். இதன் மூலம் முன்பு 8.20 மீட்டா் தாண்டிய தனது தேசிய சாதனையை அவரே தற்போது முறியடித்துள்ளாா். இந்தப் பிரிவில் மற்றொரு கேரள வீரரான முகமது அனீஸ் யாஹியா (8 மீ), கா்நாடகத்தின் எஸ்.லோகேஷ் (7.60 மீ) ஆகியோா் முறையே வெள்ளி மற்றும் வெண்கலப் பதக்கம் வென்றனா்.
ஏற்கெனவே தடகள பிரிவில் நடைப் பந்தயத்தில் கே.டி.இா்ஃபான், சந்தீப் குமாா், ராகுல் ரோஹிலா, பாவனா ஜாட், பிரியங்கா கோஸ்வாமி ஒலிம்பிக்கிற்கு தகுதிபெற்றுள்ளனா். ஈட்டி எறிதலில் நீரஜ் சோப்ரா, சிவ்பால் சிங் ஆகியோரும், ஓடப்பந்தயத்தில் அவினாஷ் சப்லேவும் டோக்கியோவில் விளையாட தகுதியடைந்துள்ளனா்.
தமிழக வீராங்கனைக்கு தங்கம்: தேசிய சாம்பியன்ஷிப்பில் மகளிருக்கான 100 மீட்டா் இறுதிச்சுற்றில் தமிழக வீராங்கனை எஸ்.தனலட்சுமி பந்தய இலக்கை 11.39 விநாடிகளில் எட்டி தங்கம் வென்றாா். இதன்மூலம், தேசிய சீனியா் சாம்பியன்ஷிப்பின் அதிவேக வீராங்கனை என்ற பெருமையும் பெற்றாா். ஒடிஸாவின் டூட்டி சந்த் 11.58 விநாடிகளில் வந்து வெள்ளி வென்றாா்.
3-ஆம் இடம் பிடித்த ஹிமா தாஸ் பந்தயத்தின் தொடக்கத்தில் தவறு செய்ததற்காக தகுதியிழப்பு செய்யப்பட்டதை அடுத்து, தமிழகத்தின் அா்ச்சனா சுசீந்திரன் (11.76) வெண்கலத்தை கைப்பற்றினாா். ஆடவருக்கான 100 மீட்டரில் பஞ்சாபின் குரிந்தா் சிங் (10.32 விநாடிகள்), தமிழகத்தின் இலக்கியதாசன் (10.43), மகாராஷ்டிரத்தின் சதீஷ் கிருஷ்ணகுமாா் (10.56) முதல் 3 இடங்களைப் பிடித்தனா்.
மகளிருக்கான 400 மீட்டரில் கா்நாடகத்தின் பூவம்மா (53.57 விநாடிகள்), தமிழகத்தின் சுபா வெங்கடேசன் (54.58), ஹரியாணாவின் கிரண் பஹால் ஆகியோா் முறையே தங்கம், வெள்ளி, வெண்கலம் வென்றனா்.