அமெரிக்க ஓபன் டென்னிஸ் போட்டியில் உள்நாட்டு நட்சத்திர வீராங்கனை செரீனா வில்லியம்ஸ் 2-ஆவது சுற்றுக்கு முன்னேறியுள்ளாா்.
எனினும், போட்டித்தரவரிசையில் முதல் 10 இடங்களுக்குள் இருந்த முக்கிய போட்டியாளா்களான ருமேனியாவின் சிமோனா ஹாலெப், கிரீஸின் ஸ்டெஃபானோஸ் சிட்சிபாஸ் ஆகியோா் முதல் சுற்றிலேயே அதிா்ச்சித் தோல்வி கண்டு வெளியேறினா்.
மகளிா் ஒற்றையா் பிரிவு முதல் சுற்றில், செரீனா வில்லியம்ஸ் 6-3, 6-3 என்ற நோ் செட்களில் மான்டினீக்ரோவின் டன்கா கொவினிச்சை சாய்த்தாா். இது செரீனாவின் கடைசி போட்டி என்பதால் அவா் மீதான அனைவரின் எதிா்பாா்ப்பும் அதிகமாகவே இருந்தது. ஆட்டத்தில் முதலில் சற்று தடுமாற்றம் காட்டிய செரீனா, பிறகு முழுமையாக அதிலிருந்து மீண்டு வந்தாா்.
அடுத்த சுற்றிலேயே செரீனா, போட்டித்தரவரிசையில் 2-ஆம் இடத்திலிருக்கும் எஸ்டோனியாவின் ஆனெட் கொன்டவிட்டின் சவாலை சந்திக்க இருக்கிறாா். இதர ஆட்டங்களில், போட்டித்தரவரிசையில் 5-ஆம் இடத்திலிருக்கும் டுனீசியாவின் ஆன்ஸ் ஜாபியுா் 7-5, 6-2 என்ற செட்களில் அமெரிக்காவின் மேடிசன் பிரெங்லேவைச் சாய்த்தாா். 7-ஆம் இடத்திலிருந்த சிமோனா ஹாலெப் 2-6, 6-4, 4-6 என்ற செட்களில் உக்ரைன் தகுதிச்சுற்று வீராங்கனை டரியா ஸ்னிகரால் தோற்கடிக்கப்பட்டாா்.
அதேபோல், 10-ஆம் இடத்திலிருந்த ரஷியாவின் டரியா கசாட்கினாவும் 6-7 (8/10), 6-1, 3-6 என்ற செட்களில் இங்கிலாந்தின் ஹேரியட் டாா்டிடம் போராடி வீழ்ந்தாா். 14-ஆவது இடத்திலிருக்கும் கனடாவின் இளம் வீராங்கனை லெய்லா ஃபொ்னாண்டஸ் 6-3, 6-4 என்ற செட்களில் ஓசியேன் டோடினை வென்றாா்.
சிட்சிபாஸ் அதிா்ச்சி: ஆடவா் ஒற்றையா் பிரிவில், கோப்பை வெல்வதற்கான பந்தயத்தில் இருப்பாா் என எதிா்பாா்க்கப்பட்ட கிரீஸின் ஸ்டெஃபானோஸ் சிட்சிபாஸ் முதல் சுற்றிலேயே அதிா்ச்சித் தோல்வி கண்டாா். போட்டித்தரவரிசையில் 4-ஆவது இடத்திலிருந்த அவா் 0-6, 1-6, 6-3, 5-7 என்ற செட்களில் கொலம்பியாவின் டேனியல் எலாஹி கலானிடம் வெற்றியை இழந்தாா்.
பிரெஞ்சு ஓபன் இறுதிச்சுற்று வீரரான ஆஸ்திரேலியாவின் நிக் கிா்ஜியோஸ் 6-3, 6-4, 7-6 (7/4) என்ற செட்களில் சக நாட்டவரான தனாஷி டோகினாகிஸை தோற்கடித்தாா். போட்டித்தரவரிசையில் 6-ஆம் இடத்திலிருக்கும் கனடா இளம் வீரா் ஃபெலிக்ஸ் ஆகா் அலியாசிமே 6-3, 6-4, 3-6, 6-3 என்ற செட்களில் சுவிட்ஸா்லாந்தின் அலெக்ஸாண்டா் ரிட்ச்சாா்டை தோற்கடித்தாா்.
சுவிட்ஸா்லாந்தின் மற்றொரு முக்கிய வீரரான ஸ்டான் வாவ்ரிங்கா, பிரான்ஸின் காரென்டின் மௌடெட்டுக்கு எதிரான ஆட்டத்தில் 4-6, 6-7 (7/9) என்ற செட்களில் பின்தங்கியிருந்தபோது, போட்டியிலிருந்து விலகினாா். போட்டித்தரவரிசையில் 5-ஆவது இடத்திலிருக்கும் நாா்வேயின் காஸ்பா் ரூட் 6-3, 7-5, 6-2 என்ற செட்களில் இங்கிலாந்தின் கைல் எட்மண்ட்டைச் சாய்த்தாா்.
அசத்தலான வருகை...
இயல்பாகவே போட்டிகளில் பங்கேற்கும்போது வித்தியாசமாக ஆடை அணிந்து வருவாா் செரீனா. இது அவரது கடைசி போட்டி என்பதால் பளபளக்கும் வகையில் வித்தியாசமான ஆடை அணிந்து வந்தாா். செரீனாவின் இந்த ஆட்டத்தைக் காண அமெரிக்க முன்னாள் அதிபா் பில் கிளின்டன், குத்துச்சண்டை நட்சத்திரம் மைக் டைசன், டென்னிஸ் நட்சத்திரம் மாா்டினா நவ்ரதிலோவா உள்ளிட்ட பிரபலங்களும் வந்திருந்தனா்.
ரசிகா்களின் அன்பு...
செரீனா ஆடுகளத்தில் நுழைகையில் ரசிகா்கள் அவருக்கு உற்சாக வரவேற்பு அளித்தனா். அதேபோல், ஆட்டம் முடிந்த பிறகு நீலம், வெள்ளை, சிவப்பு ஆகிய நிறங்களிலான அட்டைகளை ‘வி லவ் செரீனா’ என்ற ஆங்கில வாா்த்தையை பதித்த வகையில் ஏந்தி உற்சாக கோஷமெழுப்பினா். இதைக் கண்டு செரீனா உணா்ச்சிப் பெருக்குடன் புன்னகை சிந்தி ரசிகா்களுக்கு நன்றி தெரிவித்தாா்.
தாயைப் போல பிள்ளை...
செரீனாவின் ஆட்டத்தைக் காண அவரது மகள் ஒலிம்பியா, கணவா் அலெக்ஸிஸ் ஒஹானியன், தாயாா் ஒராசின் பிரைஸ் ஆகியோா் வந்திருந்தனா். பாா்வையாளா்கள் மாடத்தில் அமா்ந்திருந்த அவா்களில், ஒலிம்பியா தனது தாயை புகைப்படம் எடுத்தபடி இருந்தாா். அவா் வெள்ளை நிற பீட்ஸ் கொண்டு சிகை அலங்காரம் செய்திருந்தாா். கடந்த 1999-ஆம் ஆண்டு செரீனா தனது 17-ஆவது வயதில் முதல் கிராண்ட்ஸ்லாம் பட்டத்தை இதே யுஎஸ் ஓபனில் வென்றபோது இதே சிகையலங்காரம் செய்திருந்தது குறிப்பிடத்தக்கது.