இங்கிலாந்து கேப்டன் இயன் மார்கனுக்குக் காயம் ஏற்பட்டதால் மேற்கிந்தியத் தீவுகளுக்கு எதிரான டி20 தொடரிலிருந்து விலகியுள்ளார்.
இங்கிலாந்து அணி, மேற்கிந்தியத் தீவுகளுக்குச் சுற்றுப்பயணம் செய்து 5 டி20, 3 டெஸ்டுகளில் விளையாடுகிறது. டி20 தொடர் ஜனவரி 23 முதல் ஜனவரி 31 வரை நடைபெறுகிறது. டெஸ்ட் தொடர், மார்ச் 8 முதல் மார்ச் 28 வரை நடைபெறுகிறது.
முதல் மூன்று ஆட்டங்களின் முடிவில் மே.இ. தீவுகள் அணி 2-1 என டி20 தொடரில் முன்னிலை வகிக்கிறது. இந்நிலையில் காலில் காயம் ஏற்பட்டதால் 3-வது டி20 ஆட்டத்தில் விளையாடாத இங்கிலாந்து கேப்டன் இயன் மார்கன், மீதமுள்ள இரு டி20 ஆட்டங்களில் இருந்தும் விலகியுள்ளார். அந்த ஆட்டங்கள் ஜனவரி 29, ஜனவரி 30 தேதிகளில் நடைபெறும்.
3-வது டி20 ஆட்டத்தில் கேப்டனாக இருந்த மொயீன் அலி, மீதமுள்ள இரு ஆட்டங்களிலும் கேப்டனாக நீடிப்பார் என எதிர்பார்க்கப்படுகிறது. கடந்த வருட ஐபிஎல் போட்டியில் சிஎஸ்கே அணியில் விளையாடிய மொயீன் அலியை அந்த அணி தக்கவைத்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.