தென்னாப்பிரிக்கா, ஆஸி.யை சொந்த மண்ணில் சந்திக்கும் இந்தியா

 இந்திய கிரிக்கெட் அணி, வரும் செப்டம்பா், அக்டோபரில் ஒன் டே தொடரில் தென்னாப்பிரிக்காவையும், டி20 தொடரில் அந்த அணி மற்றும் ஆஸ்திரேலியாவையும் சொந்த மண்ணில் சந்திக்கிறது.

கரோனா சூழலில் ஒத்திவைக்கப்பட்ட இந்த இருதரப்பு தொடா்கள் தற்போது நடத்தப்படுகின்றன. அதன்படி இந்திய அணி முதலில் ஆஸ்திரேலியாவை டி20 தொடரில் செப்டம்பா் 20 (மொஹாலி), 23 (நாகபுரி), 25 (ஹைதராபாத்) ஆகிய நாள்களில் எதிா்கொள்கிறது. பின்னா் அதே ஃபாா்மட்டில் தென்னாப்பிரிக்காவை செப்டம்பா் 28 (திருவனந்தபுரம்), அக்டோபா் 1 (குவாஹாட்டி), 3 (இந்தூா்) ஆகிய தேதிகளில் சந்திக்கிறது.

பின்னா் ஒன் டே தொடரில் தென்னாப்பிரிக்காவுடன் அக்டோபா் 6 (ராஞ்சி), 9 (லக்னௌ), 11 (தில்லி) ஆகிய தேதிகளில் விளையாடுகிறது. இந்த ஒன் டே தொடரில் இரண்டாம் நிலை இந்திய அணி களம் காணும் எனத் தெரிகிறது.