பெங்கால் ரஞ்சி அணியின் பேட்டிங் ஆலோசகராக முன்னாள் வீரர் டபிள்யூ.வி. ராமன் நியமிக்கப்பட்டுள்ளார்.
பெங்கால் அணியின் புதிய பயிற்சியாளராக லட்சுமி ரதன் சுக்லா நியமிக்கப்பட்ட நிலையில் தற்போது ராமன் பேட்டிங் ஆலோசகராகத் தேர்வாகியுள்ளார். சமீபத்தில் நடைபெற்ற ரஞ்சி கோப்பைப் போட்டியில் பெங்கால் அணி அரையிறுதியில் தோற்றது. இதையடுத்து அணியின் பயிற்சியாளராக இருந்த அருண் லால் தனது பதவியை ராஜிநாமா செய்தார்.
பெங்கால் அணியின் பயிற்சி முகாமில் மட்டும் ராமன் கலந்துகொள்வார் என்று அறியப்படுகிறது. பெங்கால் அணியின் தலைமைப் பயிற்சியாளராக இருமுறை ராமன் பணியாற்றியுள்ளார்.