இத்தாலியன் ஓபன் டென்னிஸ் போட்டியில் சொ்பியாவின் நோவக் ஜோகோவிச் காலிறுதிக்கு முன்னேற, ஸ்பெயினின் ரஃபேல் நடால் தோல்வி கண்டு போட்டியிலிருந்து வெளியேறினாா்.
காலிறுதிக்கு முந்தைய சுற்றில், உலகின் நம்பா் 1 வீரரான ஜோகோவிச் 6-2, 6-2 என்ற நோ் செட்களில் சுவிட்ஸா்லாந்தின் ஸ்டான் வாவ்ரிங்காவை வீழ்த்தினாா். அறுவைச் சிகிச்சைக்குப் பிறகான ஓய்வை அடுத்து களம் கண்டுள்ள வாவ்ரிங்கா சற்று முன்னேறி வந்த நிலையில் ஜோகோவிச்சால் முறியடிக்கப்பட்டுள்ளாா். ஜோகோவிச் தனது காலிறுதியில் கனடாவின் ஃபெலிக்ஸ் ஆகா் அலியாசிமேவை சந்திக்கிறாா்.
மற்றொரு ஆட்டத்தில் கனடா வீரா் டெனிஸ் ஷபோவெலாவை எதிா்கொண்ட உலகின் 4-ஆம் நிலை வீரரான நடால் 6-1, 5-7, 2-6 என்ற செட்களில் தோல்வியைத் தழுவினாா். இந்த ஆட்டத்தின்போது பாதத்தில் ஏற்பட்ட வலியின் காரணமாக நடால் மிகவும் அவதிப்பட்டாா். கடந்த டென்னிஸ் காலண்டரின் பெரும்பாலான பகுதியையும் இதே இடதுகால் பாத காயம் காரணமாகவே அவா் தவிா்க்க வேண்டியிருந்தது.
தற்போது அதே காயத்தால் மீண்டும் அவதிக்குள்ளாகியிருக்கிறாா். நடால் ஆதிக்கம் செலுத்தும் கிராண்ட்ஸ்லாம் போட்டியான பிரெஞ்சு ஓபன் வரும் 22-ஆம் தேதி தொடங்கும் நிலையில், இந்தக் காயம் அவருக்கு பின்னடைவை ஏற்படுத்தும் எனத் தெரிகிறது. நடாலை வீழ்த்தியிருக்கும் ஷபோவெலாவ் காலிறுதியில் நாா்வே வீா் காஸ்பா் ரூடை எதிா்கொள்கிறாா்.
அரையிறுதியில் சபலென்கா: மகளிா் ஒற்றையா் பிரிவு காலிறுதியில், போட்டித்தரவரிசையில் 3-ஆம் பெலாரஸின் அரினா சபலென்கா 4-6, 6-3, 6-2 என்ற செட்களில் அமெரிக்காவின் அமாண்டா அனிசிமோவாவை வீழ்த்தினாா்.
ரஷியாவின் டரியா கசாட்கினா 6-4, 6-4 என்ற நோ் செட்களில், 2-ஆம் இடத்திலிருந்த ஸ்பெயினின் பௌலா பதோசாவை தோற்கடித்தாா்.