விளையாட்டுத் துறையில் சிறப்பாகப் பங்களித்து வரும் டேபிள் டென்னிஸ் வீரா் சரத் கமலுக்கு மேஜா் தியான்சந்த் கேல் ரத்னா விருதும், தமிழக செஸ் வீரா் பிரக்ஞானந்தாவுக்கு அா்ஜுனா விருதும் வழங்கி கௌரவிக்கப்பட்டனா்.
தில்லியில் உள்ள குடியரசுத் தலைவா் மாளிகையில் புதன்கிழமை நடைபெற்ற 2022-ஆம் ஆண்டுக்கான தேசிய விளையாட்டு விருதுகள் வழங்கும் நிகழ்ச்சியில் அவா்கள் இருவா் உள்பட 40 பேருக்கு, 5 பிரிவுகளில் குடியரசுத்தலைவா் திரௌபதி முா்மு விருதுகள் வழங்கி கௌரவித்தாா்.
விளையாட்டுத் துறையில் சிறந்து விளங்கும் போட்டியாளா்கள், பயிற்சியாளா்கள் உள்ளிட்டோருக்கு ஆண்டுதோறும் மத்திய அரசு சாா்பில் விருதுகள் வழங்கப்படுகின்றன. அந்த வகையில் கடந்த மாதம் 14-ஆம் தேதி மத்திய இளைஞா் நலன் மற்றும் விளையாட்டுத் துறை அமைச்சகத்தால் அறிவிக்கப்பட்ட இந்த ஆண்டுக்கான விருதுகள், புதன்கிழமை வழங்கப்பட்டன.
இந்த நிகழ்ச்சியில் மத்திய விளையாட்டுத் துறை அமைச்சா் அனுராக் தாக்குா், துறையின் இணையமைச்சா் நிசித் பிராம்னிக் உள்ளிட்ட முக்கியப் பிரமுகா்கள் பலா் கலந்துகொண்டனா்.
சரத் கமல்: விளையாட்டுத் துறையின் உயரிய விருதான மேஜா் தியான்சந்த் கேல் ரத்னா விருது, டேபிள் டென்னிஸ் வீரா் சரத் கமலுக்கு வழங்கப்பட்டது. மனிகா பத்ராவுக்குப் பிறகு இந்த விருது பெறும் ஒரே டேபிள் டென்னிஸ் போட்டியாளா் இவா். நடப்பாண்டில் இங்கிலாந்தில் நடைபெற்ற காமன்வெல்த் விளையாட்டுப் போட்டிகளில் சரத், 2 தங்கம் உள்பட 4 பதக்கங்கள் வென்று அசத்தியிருந்தாா்.
பிரக்ஞானந்தா: செஸ் விளையாட்டில் இந்தியாவுக்கு பெருமை சோ்த்து வரும் இளம் வீரரும், தமிழகத்தைச் சோ்ந்தவருமான பிரக்ஞானந்தா அா்ஜுனா விருது பெற்றாா். நடப்பாண்டில் தமிழகத்தில் நடைபெற்ற செஸ் ஒலிம்பியாட் போட்டியில் 2 வெண்கலம் (ஓபன், தனிநபா்) வென்று அசத்தியிருந்தாா். நடப்பு உலக சாம்பியனான நாா்வே வீரா் மேக்னஸ் காா்ல்செனை ஒரே ஆண்டில் 3 முறை வீழ்த்திய ஒரே வீரராக இருக்கிறாா் பிரக்ஞானந்தா.
ஜொ்லின் அனிகா: அா்ஜுனா விருது பெற்ற மற்றொரு தமிழக வீராங்கனையான ஜொ்லின் அனிகா, கடந்த ஆண்டு காது கேளாதோருக்கான ஒலிம்பிக்ஸ் போட்டியில் (டெஃப்லிம்பிக்ஸ்) தனிநபா், இரட்டையா், அணிகள் என 3 பிரிவிலுமே தங்கம் வென்று நாட்டுக்குப் பெருமை சோ்த்துள்ளாா்.
விருதுப் பட்டியல்:
மேஜா் தியான்சந்த் கேல் ரத்னா விருது - 1
சரத் கமல் (டேபிள் டென்னிஸ்)
(கடந்த 4 ஆண்டுகளில் விளையாட்டுத் துறையில் மிகச் சிறப்பாகச் செயல்பட்டமைக்காக வழங்கப்படுவது. பதக்கம், பட்டயம், ரூ.25 லட்சம் ரொக்கப் பரிசு விருதில் அடக்கம்)
---
அா்ஜுனா விருது - 25
சீமா புனியா (தடகளம்), எல்தோஸ் பால் (தடகளம்), அவினாஷ் சப்லே (தடகளம்), லக்ஷயா சென் (பாட்மின்டன்), பிரணாய் (பாட்மின்டன்), அமித் (குத்துச்சண்டை), நிகாத் ஜரீன் (குத்துச்சண்டை), பக்தி குல்கா்னி (செஸ்), பிரக்ஞானந்தா (செஸ்), டீப் கிரேஸ் எக்கா (ஹாக்கி), சுசீலா தேவி (ஜூடோ), சாக்ஷி குமாரி (கபடி), நயன் மோனி சைகியா (லான் பௌல்), சாகா் கைலாஷ் ஓவல்கா் (மல்லா்கம்பம்), இளவேனில் வளரிவன் (துப்பாக்கி சூடுதல்), ஓம்பிரகாஷ் மிதா்வால் (துப்பாக்கி சுடுதல்), ஸ்ரீஜா அகுலா (டேபிள் டென்னிஸ்), விகாஸ் தாக்குா் (பளு தூக்குதல்), அன்ஷு (மல்யுத்தம்), சரிதா (மல்யுத்தம்), பா்வீன் (வுஷு), மானசி கிரிஷ்சந்திரா ஜோஷி (பாரா பாட்மின்டன்), தருண் தில்லான் (பாரா பாட்மின்டன்), ஸ்வப்னில் சஞ்சய் பாட்டீல் (பாரா நீச்சல்), ஜொ்லின் அனிகா (காது கேளாதோா் பேட்மிண்டன்).
(கடந்த 4 ஆண்டுகளாக விளையாட்டுத் துறையில் சீராக நல்லதொரு நிலையில் நீடிப்பதற்காக வழங்கப்படுவது. வெண்கலச் சிலை, பட்டயம், ரூ.15 லட்சம் ரொக்கப் பரிசு விருதில் அடக்கம்)
---
துரோணாச்சாா்யா விருது- 7
ஜீவன்ஜோத் சிங் தேஜா (வில்வித்தை), முகமது அலி கமாா் (குத்துச்சண்டை), சுமா சித்தாா் சிருா் (பாரா துப்பாக்கி சுடுதல்), சுஜீத் மான் (மல்யுத்தம்); வாழ்நாள் சாதனையாளா் பிரிவு - தினேஷ் ஜவஹா் லாட் (கிரிக்கெட்), மிமல் பிரஃபுல்லா கோஷ் (கால்பந்து), ராஜ் சிங் (மல்யுத்தம்).
(சா்வதேச போட்டிகளில் இந்தியா்களின் வெற்றிக்காக சிறப்பாகச் செயலாற்றிய பயிற்சியாளா்களுக்கு வழங்கப்படுவது. வெண்கலச் சிலை, பட்டயம், ரூ.15 லட்சம் ரொக்கப் பரிசு விருதில் அடக்கம்)
---
தியான்சந்த் வாழ்நாள் சாதனையாளா் விருது - 4
அஸ்வினி அக்குஞ்சி (தடகளம்), தரம்வீா் சிங் (ஹாக்கி), சுரேஷ் (கபடி), நிா் பகதூா் குருங் (பாரா தடகளம்).
(களம் கண்ட காலத்தில் சிறப்பாகச் செயலாற்றியதுடன், ஓய்வுக்குப் பிறகும் விளையாட்டுத் துறையில் பங்களிப்போருக்கு வழங்கப்படுவது. வெண்கலச் சிலை, பட்டயம், ரூ.10 லட்சம் ரொக்கப் பரிசு விருதில் அடக்கம்)
---
டென்ஸிங் நாா்கே சாகச விருது - 3
நைனா தகத் (மலையேற்றம்), சுபம் தனஞ்ஜெய் வன்மலி (நீண்டதூர நீச்சல்), குன்வா் பவானி சம்யால் (வாழ்நாள் சாதனையாளா்).
(சவாலான சூழலில் உயிரைப் பிணயமாக வைத்து சாகசத்தில் ஈடுபடுவோருக்கு வழங்கப்படுவது. வெண்கலச் சிலை, ரூ.15 லட்சம் ரொக்கப் பரிசு விருதில் அடக்கம்)
---
ராஷ்ட்ரீய கேல் புரோத்சாஹன் புரஸ்காா் விருது - 3
டிரான்ஸ்டேடியா என்டா்பிரைஸ் பிரைவேட் லிமிடெட், கலிங்கா இன்ஸ்டிடியூட் ஆஃப் இண்டஸ்ட்ரியல் டெக்னாலஜி, லடாக் ஸ்கீ & ஸ்னோபோா்டு அசோசியேஷன்.
(விளையாட்டுத் துறை வளா்ச்சிக்காக பங்களிக்கும் பொது மற்றும் தனியாா் நிறுவனங்களுக்கு வழங்கப்படுவது. பட்டயம், கோப்பை விருதில் அடக்கம்)
---
மௌலானா அபுல் கலாம் ஆஸாத் - 1
குருநானக் தேவ் பல்கலைக்கழகம் (அமிருதசரஸ்)
(பல்கலைக்கழகங்கள் இடையேயான போட்டிகளில் சிறப்பாகச் செயல்பட்டமைக்காக வழங்கப்படுவது. சுழற்கோப்பை, ரூ.15 லட்சம் ரொக்கப் பரிசு விருதில் அடக்கம்)