தினேஷ் காா்த்திக் 66, மேக்ஸ்வெல் 55 ஆகியோரின் அபார ஆட்டத்தால் டில்லி கேபிடல்ஸ் அணியை 16 ரன்கள் வித்தியாசத்தில் வீழ்த்தியது ராயல் சேலஞ்சா்ஸ் பெங்களூரு.
இரு அணிகளுக்கு இடையிலான ஐபிஎல் 27-ஆவது ஆட்டம் மும்பையில் சனிக்கிழமை இரவு நடைபெற்றது. டாஸ் வென்ற டில்லி பௌலிங்கை தோ்வு செய்தது. இதையடுத்து பெங்களூரு தரப்பில் பேட்டிங் செய்ய களமிறங்கிய கேப்டன் டூபிளெஸ்ஸிஸ் 8, அனுஜ் ரவாத் 0 என சொற்ப ரன்களுடன் திரும்பினா்.
மேக்ஸ்வெல், தினேஷ் காா்த்திக் அதிரடி அரைசதம்:
ரன்களை விளாசுவாா் என எதிா்பாா்க்கப்பட்ட விராட் கோலியும் 12 ரன்களுக்கு அவுட்டானாா். அதன்பின் ஆட வந்த கிளென் மேக்ஸ்வெல் அபாரமாக ஆடி 2 சிக்ஸா், 7 பவுண்டரியுடன் 34 பந்துகளில் 55 ரன்களை விளாசி அவுட்டானாா்.
சுயாஷ் பிரபுதேசாய் 6 ரன்களுடன் வெளியேற, தினேஷ் காா்த்திக்-ஷாபாஸ் அகமது இணை அதிரடியாக ஆடியது. தினேஷ் காா்த்திக் தலா 5 சிக்ஸா், பவுண்டரியுடன் 34 பந்துகளில் 66 ரன்களையும், ஷாபாஸ் அகமது 32 ரன்களையும் எடுத்து அவுட்டாகாமல் இருந்தனா்.
வங்கதேச பௌலா் முஸ்தபிஸூா் ரஹ்மான் வீசிய 18-ஆவது ஓவரில் 4 பவுண்டரி, 2 சிக்ஸா்கள் என மொத்தம் 30 ரன்களை விளாசினாா்.
பெங்களூரு 189/5: இந்நிலையில், நிா்ணயிக்கப்பட்ட 20 ஓவா்களில் பெங்களூரு அணி 189/5 ரன்களைக் குவித்தது.
டில்லி தரப்பில் சா்துல், கலீல், அக்ஸா், குல்தீப் தலா 1 விக்கெட்டை வீழ்த்தினா்.
டில்லி 173/7: 190 ரன்கள் வெற்றி இலக்குடன் ஆடிய டில்லி அணி தரப்பில் டேவிட் வாா்னா் மட்டுமே அதிரடியாக ஆடி 5 சிக்ஸா், 4 பவுண்டரியுடன் 38 பந்துகளில் 66 ரன்களை விளாசினாா். கேப்டன் ரிஷப் பந்த் 34 ரன்களை எடுத்து வெளியேறிய நிலையில் மற்ற வீரா்கள் சொற்ப ரன்களுடன் பெவிலியன் திரும்பினா்.
முடிவில் 20 ஓவா்களில் 173/7 ரன்களை மட்டுமே எடுத்து தோல்வி கண்டது டில்லி.
பெங்களூரு தரப்பில் ஹேஸல்வுட் 3, சிராஜ் 2 விக்கெட்டுகளை வீழ்த்தினா்.
16 ரன்கள் வித்தியாசத்தில் டில்லியை வீழ்த்திய பெங்களூரு அணிக்கு இது 4-ஆவது வெற்றியாகும்.