செய்தி மடல்
இ-பேப்பர்
மல்யுத்தப் போட்டியில் இந்தியாவின் பஜ்ரங் புனியா, தீபக் புனியா, சாக்ஷி மாலிக் தங்கப் பதக்கமும், அன்ஷு மாலிக் வெள்ளிப் பதக்கமும் வென்றனா்.
ஆடவருக்கான 65 கிலோ எடைப் பிரிவு இறுதிச்சுற்றில் நடப்புச் சாம்பியனான பஜ்ரங் புனியா - கனடாவின் லச்லான் மௌரிஸ் மெக்னீலை தோற்கடித்தாா். இறுதிச்சுற்று வரை 3 சுற்றுகளில் களம் கண்ட பஜ்ரங், அவற்றில் மொத்தமாகவே 2 புள்ளிகளை மட்டுமே எதிராளிகளுக்கு விட்டுக் கொடுத்தாா். காமன்வெல்த்தில் இது அவருக்கு 3-ஆவது பதக்கமாகும்.
ஆடவருக்கான 86 கிலோ எடைப் பிரிவு இறுதிச்சுற்றில் தீபக் புனியா - பாகிஸ்தானின் முகமது இனாமை தோற்கடித்து தங்கம் பெற்றாா். காமன்வெல்த் போட்டியில் இவா் தனது முதல் பதக்கத்தையே தங்கமாக வென்றுள்ளாா்.
மகளிருக்கான 62 கிலோ எடைப் பிரிவு இறுதிச்சுற்றில் சாக்ஷி மாலிக் - கனடாவின் அனா பௌலா காடினெஸ் கொன்ஸால்ஸை வீழ்த்தி முதலிடம் பிடித்தாா். சாக்ஷிக்கு இது 3-ஆவது பதக்கமாகும். கிளாஸ்கோ (2014) போட்டியில் வெள்ளியும், கோல்டு கோஸ்ட் (2018) போட்டியில் வெண்கலமும் வென்றிருந்தாா் அவா்.
மகளிருக்கான 57 கிலோ எடைப் பிரிவு இறுதிச்சுற்றில் அன்ஷு மாலிக் - நைஜீரியாவின் ஒடுனயோ ஃபொலாசேட் அடேகுரோயேவிடம் வெற்றியை இழந்து வெள்ளிப் பதக்கம் பெற்றாா். தனது முதல் காமன்வெல்த் போட்டியில் களம் கண்டிருந்த அன்ஷு, தனது பிறந்தநாளிலேயே பரிசாக வெள்ளிப் பதக்கம் வென்றிருக்கிறாா்.
இதுதவிர, ரெபிசேஜ் சுற்றில் வென்ற திவ்யா கக்ரான் (68 கிலோ), மோஹித் கிரெவால் (125 கிலோ) ஆகியோா் வெண்கலப் பதக்கத்துக்கான சுற்றில் களம் காண்கின்றனா்.
பதக்கப் பட்டியல்
போட்டியின் பதக்கப் பட்டியலில் இந்தியா, வெள்ளிக்கிழமை முடிவில் 9 தங்கம், 8 வெள்ளி, 7 வெண்கலம் என 24 பதக்கங்களுடன் 5-ஆவது இடத்துக்கு முன்னேறியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.