கத்தாரில் நடைபெற்று வரும் கால்பந்து உலகக் கோப்பைப் போட்டியில் பலம் வாய்ந்த அணிகளான பிரேஸிலும் குரோசியாவும் காலிறுதிக்குத் தகுதியடைந்துள்ளன.
திங்கள் அன்று நடைபெற்ற ஆட்டங்களில் குரோசியா ஜப்பானையும் பிரேஸில் தென் கொரியாவையும் வீழ்த்தின. கூடுதல் நேரத்துக்குப் பிறகும் 1-1 என சமநிலையில் இருந்ததால் பெனால்டி ஷுட் அவுட் முறையில் ஜப்பானை வீழ்த்தியது குரோசியா. பிரேஸில் அணி, தென் கொரியாவை 4-1 என நொறுக்கியது. உலகக் கோப்பையை 5 முறை வென்றுள்ள பிரேஸில் அணி, 1998-க்குப் பிறகு முதல்முறையாக நாக் அவுட் ஆட்டத்தில் 4 கோல்களை அடித்துள்ளது.
இரு அணிகளும் டிசம்பர் 9 அன்று நடைபெறவுள்ள முதல் காலிறுதியில் மோதவுள்ளன. இரு அணிகளும் இதுவரை நான்கு முறை மோதியுள்ளன. இதில் பிரேஸில் 3 முறை வென்றுள்ளது. உலகக் கோப்பையில் மோதிய இருமுறையும் குரோசியாவை பிரேஸில் வீழ்த்தியுள்ளது.