மாற்றுத்திறனாளிகளுக்கான ஒரு நாள் கிரிக்கெட்: வங்கதேச அணி வெற்றி

இந்திய, வங்கதேச மாற்றுத்தினாளிகள் அணிகளுக்கு இடையிலான ஒரு நாள் கிரிக்கெட் போட்டியில், 2-1 என்ற கணக்கில் வங்கதேச அணி கோப்பையை வென்றது.

உலக மாற்றுத்திறனாளிகள் தினம், 76-ஆவது ஆண்டு இந்திய சுதந்திர தினத்தை முன்னிட்டு, இந்தியா - வங்கதேசத்துக்கு இடையேயான மாற்றுத்திறனாளிகள் டி-20, ஒரு நாள் கிரிக்கெட் போட்டி நடைபெற்றன.

திண்டுக்கல் மாவட்டம், நத்தத்திலுள்ள மைதானத்தில் நடைபெற்ற 5 போட்டிகள் கொண்ட டி-20 ஆட்டம் 2-2 என சமனில் முடிந்தது.

இதைத்தொடா்ந்து, 3 போட்டிகள் கொண்ட ஒரு நாள் கிரிக்கெட் தொடரை 2-1 என்ற கணக்கில் வங்கதேச அணி கைப்பற்றியது. செவ்வாய்க்கிழமை நடைபெற்ற 3-ஆவது ஒரு நாள் போட்டியின் ஆட்டநாயகனாக இந்தியா அணியின் பந்து வீச்சாளா் சந்தோஷ், ஒருநாள் போட்டியின் தொடா்நாயகனாக சன்மேக்கா், டி-20 போட்டியின் ஆட்டநாயகனாக இந்தியா அணியின் ராஜ் மகேஷ், தொடா் நாயகனாக வங்கதேசத வீரா் ரசூல் ஆகியோா் தோ்ந்தெடுக்கப்பட்டனா்.

ஒரு நாள் தொடரை கைப்பற்றிய வங்கதேச அணிக்கு வெற்றி கோப்பையை தமிழக பாஜக பட்டியல் அணி தலைவா் தடா. பெரியசாமி வழங்கினாா். டி-20 போட்டியின் வெற்றி கோப்பையை தமிழக பாஜக மாநில செயலா் சுமதி வெங்கடேஷ் வழங்கினாா்.

ஒரு நாள் தொடா் நாயகன் விருதை ராமநாதபுரம் மாவட்ட பாஜக தலைவா் கதிரவன், டி-20 போட்டிக்கான தொடா் நாயகன் விருதை திண்டுக்கல் கிழக்கு மாவட்ட பாஜக தலைவா் தனபாலன் ஆகியோா் வழங்கினா். இந்த தொடருக்கான ஏற்பாடுகளை பிடிசிஏ இயக்குநா் மனு, பொதுச் செயலா் ரமி ரெட்டி, நிா்வாகக் குழு உறுப்பினா் அண்ணாதுரை ஆகியோா் செய்திருந்தனா்.