இங்கிலாந்துக்கு எதிரான 2-வது ஒருநாள் ஆட்டத்தில் டாஸ் வென்ற இந்திய அணி ஃபீல்டிங்கைத் தேர்வு செய்துள்ளது.
இந்திய அணி இங்கிலாந்துக்குச் சுற்றுப்பயணம் செய்து ஒரு டெஸ்ட், 3 ஒருநாள், 3 டி20 ஆட்டங்களில் விளையாடுகிறது. 5-வது டெஸ்டில் தோற்ற இந்திய அணி, டி20 தொடரை 2-1 என வென்றது. ஒருநாள் தொடர் நடைபெற்று வருகிறது. லண்டன் ஓவல் மைதானத்தில் நடைபெற்ற முதல் ஒருநாள் ஆட்டத்தில் 10 விக்கெட் வித்தியாசத்தில் வென்றது இந்திய அணி.
2-வது ஒருநாள் ஆட்டம் லண்டன் லார்ட்ஸ் மைதானத்தில் நடைபெற்று வருகிறது. டாஸ் வென்ற இந்திய அணி ஃபீல்டிங்கைத் தேர்வு செய்தது. காயம் காரணமாக முதல் ஒருநாள் ஆட்டத்தில் விளையாடாத விராட் கோலி இந்த ஆட்டத்தில் இடம்பெற்றுள்ளார். இதனால் ஸ்ரேயஸ் ஐயருக்கு அணியில் இடமில்லை.