ஒருநாள் தரவரிசை: இந்தியாவுக்குப் பின்னுக்குத் தள்ளிய பாகிஸ்தான்

ஐசிசி ஒருநாள் தரவரிசையில் இந்தியாவைப் பின்னுக்குத் தள்ளி 4-ம் இடத்தைப் பிடித்துள்ளது பாகிஸ்தான் அணி.

பாபர் ஆஸம் தலைமையிலான பாகிஸ்தான் அணி, மேற்கிந்தியத் தீவுகள் அணிக்கு எதிரான ஒருநாள் தொடரை 3-0 என வென்றுள்ளது. 106 புள்ளிகளுடன் ஐசிசி தரவரிசையில் இந்தியாவை விடவும் கூடுதலாக ஒரு புள்ளி பெற்றுள்ளது. இதனால் 4-ம் இடத்தைப் பிடித்து இந்தியாவைப் பின்னுக்குத் தள்ளியுள்ளது  பாகிஸ்தான்.

ஐசிசி ஒருநாள் தரவரிசையில் நியூசிலாந்து முதலிடத்தைப் பிடித்துள்ளது. அடுத்ததாக இங்கிலாந்து, ஆஸ்திரேலியா அணிகள் உள்ளன. 4-ம் இடத்தில் பாகிஸ்தானும் 5-ம் இடத்தில் இந்தியாவும் உள்ளன.

இந்திய அணி அடுத்ததாக இங்கிலாந்து, மேற்கிந்தியத் தீவுகள் ஆகிய அணிகளுக்கு எதிராக ஒருநாள் தொடரில் விளையாடவுள்ளது. அதில் வெற்றிகளைப் பெறும்போது தரவரிசையில் முன்னேற வாய்ப்புள்ளது. பாகிஸ்தான் அணி ஆகஸ்டில் தான் அடுத்த ஒருநாள் தொடரில் விளையாடவுள்ளது.