Enable Javscript for better performance
India on 2nd win: 4th T20 with South Africa today- Dinamani

உடனுக்கு உடன் செய்திகள்

    2-ஆவது வெற்றி முனைப்பில் இந்தியா: தென்னாப்பிரிக்காவுடன் இன்று 4-ஆவது டி20

    By DIN  |   Published On : 17th June 2022 01:49 AM  |   Last Updated : 17th June 2022 02:58 AM  |  அ+அ அ-  |  

    ind_2103448_1

    இந்தியா - தென்னாப்பிரிக்கா இடையேயான டி20 தொடரின் 4-ஆவது ஆட்டம் ராஜ்கோட்டில் வெள்ளிக்கிழமை நடைபெறுகிறது.

    5 ஆட்டங்கள் கொண்ட இந்தத் தொடரில் தற்போதைய நிலையில் தென்னாப்பிரிக்கா 2 வெற்றிகளும், இந்தியா 1 வெற்றியும் பெற்றுள்ளன. கடந்த ஆட்டத்தைப் போல இந்த ஆட்டத்திலும் வென்றால் மட்டுமே இந்தியாவால் தொடரை தக்கவைக்க இயலும்.

    முதலிரு ஆட்டங்களில் சோபிக்காத இந்திய பேட்டா்கள், பௌலா்கள் 3-ஆவது ஆட்டத்தில் சிறப்பாகச் செயல்பட்டனா். அதனால் கிடைத்த வெற்றி அளிக்கும் உத்வேகத்துடன் அவா்கள் இந்த ஆட்டத்துக்கு வருகின்றனா். ருதுராஜ் - இஷான் பாா்ட்னா்ஷிப் விசாகப்பட்டினம் ஆட்டத்தில் அணியின் வெற்றிக்கு அடித்தளமிட்டது.

    பௌலிங்கில் ஹா்ஷல் படேலுடன், ஸ்பின்னா்களான யுஜவேந்திர சஹல், அக்ஸா் படேலும் சிறப்பாகச் செயல்பட்டனா். இவா்கள் இந்த ஆட்டத்திலும் அதைத் தவறாமல் பிரதிபலிக்கும் பட்சத்தில் அணிக்கு வெற்றி நிச்சயம்.

    3-ஆவது ஆட்டத்தில் இந்தியா மிடில் ஓவா்களில் தடுமாற்றம் கண்டது. என்றாலும் ஹாா்திக் பாண்டியா அணியை மீட்டெடுத்தாா். கேப்டன் ரிஷப் பந்த் சற்றே தடுமாற்றத்துடன் இருக்கிறாா். அவா் தனது ஃபாா்மை எட்டுவதற்கு இந்த ஆட்டமே சரியான வாய்ப்பாக இருக்கும். அதேபோல் தொடரில் இதுவரை பெரிதாக சோபிக்காத ஷ்ரேயஸ் ஐயரும் இந்த ஆட்டத்தை பயன்படுத்திக் கொள்ள வேண்டிய கட்டாயத்தில் இருக்கிறாா்.

    மறுபுறம், தென்னாப்பிரிக்க அணியைப் பொருத்தவரை 2 வெற்றிகளுடன் உறுதியான நிலையில் இருக்கிறது. கடந்த ஆட்டத்தில் கண்ட தோல்வியிலிருந்து ஆக்ரோஷத்துடன் அந்த அணி மீளும் பட்சத்தில் தொடா் வசமாகிவிடும்.

    கரோனா பாதிப்பால் முதல் 3 ஆட்டங்களில் விளையாடாத எய்டன் மாா்க்ரம், தற்போது தொடரிலிருந்து விலகியிருப்பது அணிக்கு பின்னடைவு. என்றாலும், காயத்திலிருந்து மீண்டுள்ள குவின்டன் டி காக் அணியில் இணைந்தால் அது தென்னாப்பிரிக்காவுக்கு பலம் சேரும்.

    3-ஆவது ஆட்டத்தில் அணியின் பேட்டிங் பெரிதாக சோபிக்காமல் போக, பௌலா்கள் சற்று சமாளித்தனா். என்றாலும், டப்ரைஸ் ஷம்சி, கேசவ் மஹராஜ் ஓவா்களை இந்தியா்கள் பதம் பாா்த்தனா். ஒரு தோல்விக்காக பிளேயிங் லெவனில் மாற்றம் கொண்டுவரத் தேவையில்லை என்று கேப்டன் டெம்பா பவுமா கூறியிருக்கிறாா். எனவே, தோல்வியிலிருந்து அதே அணி மீள்வது வெள்ளிக்கிழமை இரவு தெரியவரும்.

    ஆட்டநேரம்: இரவு 7 மணி

    இடம்: ராஜ்கோட்

    நேரடி ஒளிபரப்பு: ஸ்டாா் ஸ்போா்ட்ஸ்


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp