மெளன்ட் மெளன்கனுய், மார்ச் 3: ஐசிசியின் மகளிர் ஒன் டே கிரிக்கெட் உலகக் கோப்பை போட்டி நியூஸிலாந்தில் வெள்ளிக்கிழமை தொடங்குகிறது.
முதல் ஆட்டத்தில் நியூஸிலாந்து - மேற்கிந்தியத் தீவுகள் மோதுகின்றன. இந்தியா தனது முதல் ஆட்டத்தில் 6-ஆம் தேதி பாகிஸ்தானை சந்திக்கிறது. பின்னர் நியூஸிலாந்தை 10-ஆம் தேதியும், மேற்கிந்தியத் தீவுகளை 12-ஆம் தேதியும், இங்கிலாந்தை 16-ஆம் தேதியும் எதிர்கொள்கிறது. அடுத்து ஆஸ்திரேலியாவுடன் 19-ஆம் தேதியும், வங்கதேசத்துடன் 22-ஆம் தேதியும், தென்னாப்பிரிக்காவுடன் 27-ஆம் தேதியும் விளையாடுகிறது.
கரோனா சூழல் காரணமாக ஓராண்டு தாமதமாக நடைபெறும் இப்போட்டியின் ஆட்டங்கள், நியூஸிலாந்தின் 6 நகரங்களில் நடைபெறவுள்ளன. 8 அணிகளும் இரு பிரிவுகளாக பிரிக்கப்பட்டுள்ளன. ஒவ்வொரு அணியும், மற்றொரு அணியுடன் தலா ஒரு முறை மோதும். லீக் ஆட்டங்கள் முடிவில் இரு பிரிவுகளிலும் முதலிரு இடங்களில் இருக்கும் அணிகள் அரையிறுதி ஆட்டங்களுக்கு தகுதிபெறும்.