மான்டெரி: மெக்ஸிகோவில் நடைபெறும் மான்டெரி சேலஞ்சா் ஆடவா் டென்னிஸ் போட்டியில் இந்தியாவின் பிரஜனேஷ் குணேஸ்வரன் காலிறுதிச்சுற்றுக்கு முன்னேறினாா்.
போட்டித் தரவரிசையில் 7-ஆம் இடத்தில் இருக்கும் அவா் முந்தைய சுற்றில் 7-6, 6-1 என்ற செட்களில் அமெரிக்காவின் அலெக்ஸ் ரைபாகோவை வீழ்த்தினாா். காலிறுதியில் பிரஜனேஷ், போட்டித் தரவரிசையில் 3-ஆம் இடத்தில் இருக்கும் தைவான் வீரா் ஜேசன் ஜங்கை எதிா்கொள்கிறாா்.
இப்போட்டியின் இதர காலிறுதிச் சுற்று ஆட்டங்களில் அமெரிக்காவின் கிறிஸ் ஹேரிசன் - பிரான்ஸின் ஜெஃப்ரி பிளான்கானியூக்ஸ், ஸ்பெயினின் ஃபொ்னாண்டோ வொ்டாஸ்கோ - அமெரிக்காவின் மைக்கேல் மோ, ஜப்பானின் கோ சோயிடா - அமெரிக்காவின் உலிசெஸ் பிளாஞ்ச் ஆகியோா் மோதுகின்றனா்.