இங்கிலாந்தை 3-வது டெஸ்டில் வீழ்த்தி தொடரை வென்ற மேற்கிந்தியத் தீவுகள் அணி

இங்கிலாந்துக்கு எதிரான 3-வது டெஸ்டை 10 விக்கெட் வித்தியாசத்தில் வென்ற மேற்கிந்தியத் தீவுகள் அணி, டெஸ்ட் தொடரை 1-0 என வென்றுள்ளது.

கிரனடாவில் நடைபெற்ற 3-வது டெஸ்டில் டாஸ் வென்ற மேற்கிந்தியத் தீவுகள் அணி, ஃபீல்டிங்கைத் தேர்வு செய்தது.

இங்கிலாந்து அணி முதல் இன்னிங்ஸில் 89.4 ஓவர்களில் 204 ரன்கள் எடுத்தது. மே.இ. தீவுகள் அணி முதல் இன்னிங்ஸில் 116.3 ஓவர்களில் 297 ரன்கள் எடுத்து முன்னிலை பெற்றது. இங்கிலாந்து அணி 2-வது இன்னிங்ஸிலும் மோசமாக விளையாடி 64.2 ஓவர்களில் 120 ரன்களுக்கு அனைத்து விக்கெட்டுகளையும் இழந்தது. இதையடுத்து மே.இ. தீவுகள் அணி வெற்றி பெற 28 ரன்கள் இலக்கு நிர்ணயிக்கப்பட்டது. 4.5 ஓவர்களில் விக்கெட் இழப்பின்றி 28 ரன்கள் எடுத்து அந்த அணி வெற்றி பெற்றது.

இதையடுத்து டெஸ்ட் தொடரை 1-0 என வென்றது மே.இ. தீவுகள் அணி. ஆட்ட நாயகனாக ஜோஷுவா ட சில்வாவும் தொடர் நாயகனாக கேப்டன் கிரைக் பிராத்வெயிட்டும் தேர்வானார்கள்.