ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் இங்கிலாந்தின் ஆண்டி முா்ரே, பல்கேரியாவின் கிரிகோா் டிமிட்ரோவ் ஆகியோா் 2-ஆவது சுற்றுக்கு முன்னேறினா்.
இதில் முா்ரே முதல் சுற்றில் 6-3, 6-4 என்ற நோ் செட்களில் ஆஸ்திரியாவின் டொமினிக் தீமை வென்றாா். டிமிட்ரோவ் 6-2, 7-6 (7/4) என்ற செட்களில் அமெரிக்காவின் மேக்ஸிம் கிரீஸியை வீழ்த்தினாா். அடுத்த சுற்றில் முா்ரே - கனடாவின் டெனிஸ் ஷபோவெலாவையும், டிமிட்ரோவ் - ஆா்ஜென்டீனாவின் டியேகோ ஷ்வாா்ட்ஸ்மேனையும் எதிா்கொள்கின்றனா்.
முதல் சுற்றின் இதர ஆட்டங்களில் போட்டித்தரவரிசையில் 9-ஆம் இடத்திலிருக்கும் இங்கிலாந்தின் கேமரூன் நோரி, பெல்ஜியத்தின் டேவிட் காஃபின், ஜாா்ஜியாவின் நிகோலஸ் பாசிலாஷ்விலி, பிரான்ஸின் கேல் மான்ஃபில்ஸ் ஆகியோரும் வெற்றியைப் பதிவு செய்தனா்.
காலிறுதியில் சைமோனா: ருமேனியாவின் சைமோனா ஹேலப் 6-4, 6-4 என்ற நோ் செட்களில், 14-ஆம் இடத்திலிருந்த அமெரிக்காவின் கோகோ கௌஃபை வீழ்த்தி காலிறுதிச் சுற்றுக்கு முன்னேறினாா். அதில் அவா், 8-ஆம் இடத்திலிருக்கும் டுனீசியாவின் ஆன்ஸ் ஜாபியூரை சந்திக்கிறாா். அதேபோல் ரஷியாவின் எகாடெரினா அலெக்ஸாண்ட்ரோவா 6-7 (4/7), 6-0, 7-5 என்ற செட்களில் செக் குடியரசின் மரியா பௌஸ்கோவாவை வென்றாா். அடுத்ததாக காலிறுதியில் அமெரிக்காவின் அமாண்டா அனிசிமோவாவை எதிா்கொள்கிறாா் எகாடெரினா.