எதிா்பாராத ஒரு மோசமான தோல்வியுடன் டி20 உலகக் கோப்பை போட்டியிலிருந்து வெளியேறியிருக்கிறது இந்திய அணி. முழு நேர கேப்டனாக ரோஹித் சா்மாவும், தலைமை பயிற்சியாளராக ராகுல் திராவிடும் பொறுப்பேற்ற பிறகு அவா்கள் கூட்டாக எதிா்கொண்ட இந்த முதல் சவாலிலேயே சறுக்கியிருக்கின்றனா்.
வழக்கம்போல், எங்கு, எதில் தவறு, அலட்சியம் நிகழ்ந்தது என்பதை ஆலோசிக்கத் தொடங்கியிருக்கிறது அணி நிா்வாகம். அதற்கு இணையாக கிரிக்கெட் நோக்கா்கள், விமா்சகா்களும் இந்திய அணியின் பின்னடைவுக்கான முக்கியமான காரணங்களை முன் வைக்கின்றனா்... அவற்றைப் பாா்க்கலாம்.
1. டாப் ஆா்டா் ஆட்டம்...
டி20 போட்டியைப் பொருத்தவரை முதல் பந்திலிருந்தே அதிரடியை வெளிப்படுத்துவதுதான் பொருத்தமாக இருக்கிறது. அரையிறுதியில் இந்தியாவுக்கு எதிராக இங்கிலாந்து அத்தகைய ஆட்டத்தை வெளிப்படுத்தியதை உதாரணமாகக் கூறலாம்.
ஆனால், இந்தியாவின் டாப் ஆா்டரில் ராகுல், ரோஹித், கோலி அத்தகைய தாக்குதல் ஆட்டத்தை விடுத்து, பாதுகாப்பு உணா்வுடன் விளையாடியது பின்னடைவாக பாா்க்கப்படுகிறது. டாப் 3 பேட்டா்களில் ஒருவா் மட்டுமே நின்று விளையாடுவதும், மற்ற இருவா் இறங்கி அடித்து விளாசுவதும் தான் சரியான வியூகமாக பாா்க்கப்படுகிறது.
இந்திய ஆா்டரில் ரோஹித், கோலி, ராகுல் என மூவருமே பழைய முறையில் தற்காப்பு ஆட்டமே ஆடியிருக்கின்றனா். இந்த உலகக் கோப்பை போட்டியில் விளையாடிய 16 அணிகளில், பவா்பிளே ரன் ரேட் அடிப்படையில் அணிகளை வரிசைப்படுத்தினால், இந்தியா 6.02 ரன் ரேட்டுடன் 15-ஆவது இடத்துக்குத் தள்ளப்படுகிறது.
காயத்திலிருந்து மீண்டு அணியில் இணைந்திருக்கும் ராகுலுக்கு சாதகமான சூழலை தருவதற்காக, அவரோடு இணையும் ரோஹித், கோலி இருவருமே தடுப்பாட்டம் ஆடியிருப்பது விமா்சனத்துக்குள்ளாகியிருக்கிறது.
2. பந்த் - காா்த்திக் போராட்டம்...
வெள்ளைப் பந்து ஆட்டங்களில் இன்னிங்ஸை தொடங்கும் வாய்ப்பு கிடைக்கும் பட்சத்தில், ரிஷப் பந்த் எந்தவொரு தயக்கமும் இன்றி அடித்து ஆடத் தொடங்குகிறாா். பெரிதாக ரன்கள் சோ்க்காவிட்டாலும் அதற்கான முனைப்பில் இருக்கிறாா். ஆனால், ராகுலுக்கு டாப் ஆா்டரில் இடம் தர வேண்டியிருப்பதால், மிடில் ஆா்டரில் தான் இடம் வருகிறது.
அந்த இடத்துக்கு, தினேஷ் காா்த்திக் தயாா் செய்யப்பட்டிருக்கிறாா். அவா் 10 பந்துகளில் 25 - 30 ரன்கள் அடிப்பதற்கு துணைக் கண்டத்தின் ஆடுகளங்கள் சாதகமாக இருக்கின்றன. ஆனால், பந்து சற்றே பௌன்சாகும் இந்த ஆடுகளங்களில் தினேஷ் தடுமாறினாா். அரையிறுதிக்கு ஒரு ஆட்டம் முன்பாக அவருக்குப் பதிலாக, இடது கை பேட்டா் வாய்ப்புக்காக பந்த்தை இறக்கியது அணி நிா்வாகம்.
காா்த்திக் உலகக் கோப்பை போட்டிக்காக சுமாா் 4 மாதங்கள் தயாராகியிருக்க, அதுவரை அந்தக் களங்களின் தன்மைக்கு தயாராகியிராத பந்த்தை முக்கியமான தருணத்தில் திடீரென களமிறக்கி சோதித்தது அணி நிா்வாகத்தின் தவறாக பாா்க்கப்படுகிறது.
3. யுஜவேந்திர சஹல் தோ்வு...
டி20 ஃபாா்மட்டில் அதிக விக்கெட்டுகள் எடுத்திருக்கும் இந்திய வீரா் என்றால், யுஜவேந்திர சஹல் தான். ஆனால், இந்த உலகக் கோப்பை போட்டியில் அவரை ஒரு ஆட்டத்தில் கூட அணி நிா்வாகம் பயன்படுத்தவில்லை. முந்தைய எடிஷனில் அவா் முற்றிலுமாக புறக்கணிக்கப்பட்டிருக்க, இந்த எடிஷனில் அணியில் சோ்க்கப்பட்டு விளையாடும் வாய்ப்பு கிடைக்காமல் இருந்தாா்.
அருமையான லெக் பிரேக், கூக்லி வீசக் கூடிய சஹல், இங்கிலாந்து பேட்டா்களுக்கு நிச்சயம் சவால் அளித்திருப்பாா். ஆனால், அரையிறுதியில் அக்ஸா் படேலே நீடித்தாா். அவரது பௌலிங், பேட்டா்கள் விளாசுவதற்கு வாகானது. ஆடிய 5 ஆட்டங்களிலும் தனக்கான பௌலிங் ஒதுக்கீட்டை நிறைவு செய்ய முடியாத வகையில் அவரது எகானமி 8.62-ஆக அதிகரித்தது சோகம்.
லோயா் பேட்டிங் ஆா்டருக்காக சஹலுக்குப் பதிலாக அக்ஸா் சோ்க்கப்பட்டாா் என்றால், பவா்பிளேயில் டாப் ஆா்டா் பேட்டா்கள் குவிக்க முடியாத ரன்களை லோயா் ஆா்டரில் பௌலா்கள் எவ்வாறு சோ்க்க முடியும் என்ற கேள்வி எழுகிறது.
4. திராவிட்டின் முடிவு...
அணியின் தலைமை பயிற்சியாளராக வீரா்கள் தோ்வில் ராகுல் திராவிட் மேற்கொண்ட, மேற்கொள்ளத் தடுமாறிய சில முடிவுகளும் அணியை பதம் பாா்த்திருக்கிறது. ஆசிய கோப்பை போட்டியில் மோசமான சில ஓவா்கள் வீசியதற்காக ஆவேஷ் கானை இந்தப் போட்டிக்கு தோ்வு செய்யவில்லை. பேட்டா் ராகுல் தனது திறமையை நிரூபிக்க அத்தனை வாய்ப்புகள் வழங்கப்படும் நிலையில், ஒரு சில வாய்ப்புகளில் சோபிக்காமல் போன ஆவேஷ் கானை ஏன் பரிசீலிக்கவில்லை என்ற கேள்வி வருகிறது. அவருக்குப் பதிலாக அணியில் சோ்த்த ஹா்ஷல் படேலையும் பயன்படுத்தவில்லை.
ஷுப்மன் கில், பிருத்வி ஷா, ராகுல் திரிபாதி, ரஜத் பட்டிதாா் ஆகியோா் தங்கள் திறமையை வெளிப்படுத்தியும் அந்த இளம் வீரா்களில் ஒருவரை இந்தப் போட்டிக்குத் தோ்வு செய்யாமல் போனதும் விமா்சனத்துக்குள்ளாகிறது.
5. பும்ரா, ஜடேஜா இல்லாதது...
மேற்கூறியதெல்லாம், தகுந்த முடிவுகள் மூலமாக சரி செய்திருக்கலாம். ஆனால், கட்டுப்படுத்த முடியாத ஒரு நிகழ்வும் இந்தியாவுக்குப் பாதகமாக அமைந்ததென்றால், காயம் காரணமாக வேகப்பந்து வீச்சாளா் ஜஸ்பிரீத் பும்ரா, ஆல்-ரவுண்டா் ரவீந்திர ஜடேஜா ஆகியோா் இந்தப் போட்டியில் பங்கேற்காததான்.
டெத் ஓவா்களில் பும்ராவின் பௌலிங் இந்தியாவுக்கு பலமாக இருந்து வருகிறது. அதேபோல், அணியில் ஆல்-ரவுண்டா் மற்றும் இடது கை பேட்டா் சமநிலையை ஏற்படுத்த ஜடேஜா உதவியிருப்பாா்.